ఆదిలాబాద్ జిల్లా కేంద్రం లో చాకలి ఐలమ్మ జయంతి వేడుకలు

నివాళులు అర్పించిన కంది శ్రీనివాస్ రెడ్డి

ఆదిలాబాద్ బ్యూరో : దొరల పాలనను ధిక్కరించి, వెట్టి చాకిరి, భూస్వామ్య దోపిడీకి వ్యతిరేకంగా పోరాడిన తెలంగాణ వీరనారి చాకలి ఐలమ్మ గారి జయంతి సందర్భంగఆదిలాబాద్ జిల్లా కేంద్రం లోని రిమ్స్ ఆసుపత్రి ఎదురుగా ఉన్న చాకలి ఐలమ్ విగ్రహానికి కాంగ్రెస్ పార్టీ అసెంబ్లీ ఇంచార్జి కంది శ్రీనివాస్ రెడ్డి ఆ యోధురాలికి ఘనంగా నివాళులర్పించారు. అణగారిన వర్గాల హక్కుల కోసం నిర్భయంగా పోరాడిన చాకలి ఐలమ్మ గారు భూమి కోసం, భుక్తి కోసం, ఆత్మగౌరవం కోసం సాగిన పోరాటంలో చెరగని ముద్ర వేశారని పేర్కొన్నారు. సామాజిక వివక్ష, దోపిడీ, అణచివేతకు వ్యతిరేకంగా ఐలమ్మ సాగించిన పోరాటం కేవలం ఒక వ్యక్తి పోరాటం కాదని, అణగారిన ప్రజల ఆత్మగౌరవానికి ప్రతీకగా, తెలంగాణ ప్రజా ఉద్యమ చరిత్రలో స్ఫూర్తిదాయకంగా నిలిచిందని గుర్తుచేసుకున్నారు. ఈ కార్యక్రమంలోకాంగ్రెస్ పార్టీ అసెంబ్ల్ ఇంచార్జి కంది శ్రీనివాస్ రెడ్డి, రజక సంఘం అధ్యక్షులు, జక్కుల కార్తిక్,మైలారం శ్రీనివాస్, మైలారం రాము,మాజీ కౌన్సిలర్ భరత్, పలువురు నాయకులు,కుల సంఘాల నాయకులు పాల్గొన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.