భక్తుల సౌకర్యార్థం ఆర్టీసీ ప్రత్యేక టూర్ ప్యాకేజి

మెదక్, : కార్తీక మాసాన్ని పురస్కరించుకుని భక్తుల సౌకర్యార్థం మెదక్ ఆర్టీసీ బస్ డిపో నుంచి ప్రత్యేక టూర్ ప్యాకేజ్ సర్వీసులను నిర్వహిస్తున్నట్లు డిపో మేనేజర్ శ్రీమతి పరమేశ్వరి తెలిపారు. ఈ సందర్భంగా ప్రయాణికులకు దీపావళి శుభాకాంక్షలు తెలియజేస్తూ, మెదక్ డిపో పరిసర ప్రాంతాల నుంచి తెలంగాణతో పాటు ఇతర రాష్ట్రాల్లోని వివిధ పుణ్యక్షేత్రాలు, ప్రముఖ దేవాలయాల సందర్శన కోసం ఆర్టీసీ ప్రత్యేక టూర్ ప్యాకేజీలను అందుబాటు ధరల్లో ఏర్పాటు చేసినట్లు పేర్కొన్నారు. కనీసం 30 మంది భక్తులు ఉంటే వారి ఇంటి వద్దకే ఆర్టీసీ బస్సును పంపించే సౌకర్యం కల్పిస్తున్నట్లు డిపో మేనేజర్ తెలిపారు. కార్తీక మాసంలో పుణ్యక్షేత్రాల సందర్శనతో పాటు శబరిమల వెళ్లే భక్తుల కోసం కూడా ప్రత్యేక టూర్ ప్యాకేజీలను నిర్వహించనున్నట్లు వెల్లడించారు. పూర్తి వివరాల కోసం 9494825746, 9652577615, 9440792907, 9704885694 నంబర్లలో సంప్రదించాలని డిపో మేనేజర్ శ్రీమతి పరమేశ్వరి సూచించారు. భక్తులందరూ ఈ అవకాశాన్ని సద్వినియోగం చేసుకోవాలని కోరారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.