యువతి మిస్సింగ్ కేసు నమోదు

బిజినపల్లి (నాగర్ కర్నూల్) : బిజినపల్లి మండలానికి చెందిన 18 ఏళ్ల యువతి అదృశ్యమైన ఘటన ఆలస్యంగా వెలుగులోకి వచ్చింది. ఈ ఘటనపై బిజినపల్లి పోలీస్ స్టేషన్ లో మిస్సింగ్ కేసు నమోదైంది.మండలంలోని ఓ గ్రామానికి చెందిన యువతి నాగర్ కర్నూల్ లోని ఓ బట్టల షాప్ లో గత ఏడాది కాలంగా పని చేస్తోంది. ఈ నెల 08వ తేదీ ఉదయం 10 గంటలకు ఎప్పటిలాగే పనికి వెళ్లింది. రాత్రి 8 గంటలకు ఇంటికి రావాల్సి ఉండగా, రాత్రి 9 గంటలైనా ఇంటికి రాకపోవడంతో కుటుంబ సభ్యులు ఆందోళన చెందారు.కుటుంబ సభ్యులు ఆమెకు ఫోన్ చేయగా స్విచ్ఛాఫ్ వస్తోంది. దీంతో బట్టల షాప్ నిర్వాహకుడికి ఫోన్ చేసి ఆరా తీయగా, ఆమె షాప్ కు రాలేదని చెప్పారు. దీంతో కుటుంబ సభ్యులు చుట్టుపక్కల గ్రామాల్లోని బంధువుల ఇళ్లలో, తెలిసిన ప్రాంతాల్లో గాలించినా ఆచూకీ లభించలేదు.దీంతో మరుసటి రోజు అంటే 09/11/2026 న ఉదయం 10:30 గంటలకు బిజినపల్లి పోలీసులకు ఫిర్యాదు చేశారు. ఫిర్యాదు స్వీకరించిన పోలీసులు కేసు నమోదు చేసి దర్యాప్తు చేపట్టారు.యువతిని ఎవరైనా తీసుకెళ్లారా అని కుటుంబ సభ్యులు అనుమానం వ్యక్తం చేస్తున్నారు. యువతి ఆచూకీ కోసం పోలీసులు ప్రత్యేక చర్యలు చేపట్టారు.యువతి ఆచూకీ తెలిస్తే బిజినపల్లి పోలీసులకు సమాచారం ఇవ్వాలని ఎస్ఐ శంషుద్దీన్ కోరారు.