దంతానపల్లిలో ఘనంగా జల మహోత్సవం నీటి సంరక్షణపై గ్రామస్తులకు అవగాహన

శివంపేట : మెదక్ జిల్లా శివంపేట మండలం దంతానపల్లి గ్రామంలో సర్పంచ్ గజేంద్రుల మమత నర్సింలు ఆధ్వర్యంలో మహిళా సంఘాల సహకారంతో జల మహోత్సవం నిర్వహించారు. హర్ ఘర్ జల్ – జల్ అర్పణ దివస్ కార్యక్రమంలో భాగంగా జల్ జీవన్ మిషన్, మిషన్ భగీరథ ఆధ్వర్యంలో ఈ కార్యక్రమాన్ని చేపట్టారు. ఈ సందర్భంగా స్వచ్ఛమైన తాగునీటి ప్రాముఖ్యత, ప్రతి ఇంటికీ సురక్షిత తాగునీటి సరఫరా, నీటి పొదుపు, నీటి సంరక్షణ ఆవశ్యకతపై గ్రామస్తులకు అవగాహన కల్పించారు. నీటిని వృథా చేయకుండా పొదుపుగా వినియోగించుకోవాలని సూచించారు. ఈ కార్యక్రమంలో గ్రామ సర్పంచ్, మహిళా సంఘాల ప్రతినిధులు, మండల అధికారులు, గ్రామ పాలకవర్గ సభ్యులు, గ్రామస్తులు పాల్గొన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.