పేకాటలో దొరికిన కార్పొరేటర్

నిజామాబాద్ : దీపావళి సందర్భంగా పేకాటపై పోలీసులు ఉక్కుపాదం మోపారు. నిజామాబాద్ (Nizamabad) పోలీస్ కమిషనరేట్ పరిధిలోని ఆయా పోలీస్స్టేషన్ల పరిధిలో నిరంతర నిఘా కొనసాగిస్తూ పలు పేకాట స్థావరాలపై దాడులు చేసి పలువురిని అదుపులోకి తీసుకున్నారు. 3వ టౌన్ పోలీస్స్టేషన్ పరిధిలో.. పోలీసులు తెలిపిన వివరాల ప్రకారం.. నగరంలోని మూడో టౌన్ పోలీస్స్టేషన్ పరిధిలోని అర్సపల్లి బైపాస్రోడ్లో షేక్ సలీం అనే వ్యక్తి ఇంట్లో పేకాట ఆడుతున్నారనే సమాచారంతో పోలీసులు దాడులు నిర్వహించారు. ఈ సందర్భంగా 8 మంది షేక్ సలీం ఇంట్లో పేకాట ఆడుతుండగా పట్టుకున్నారు. ఇందులో ఓ డివిజన్ కార్పొరేటర్ సైతం ఉన్నాడు. అనంతరం వారివద్ద నుంచి రూ.లక్షకు పైగా నగదు, 8 మొబైళ్లు స్వాధీనం చేసుకుని పోలీస్స్టేషన్ తరలించారు. అనంతరం నిజామాబాద్‌లోని జ్యుడీషియల్ ఫస్ట్ క్లాస్ మెజిస్ట్రేట్ ఎదుట హాజరపర్చనున్నట్లు మూడో టౌన్ ఎస్సై హరిబాబు తెలిపారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.