ముస్తాబాద్,: రాజన్న సిరిసిల్ల జిల్లా ముస్తాబాద్ మండలం గన్నెవానిపల్లె గ్రామంలో గ్రామ సర్పంచ్ రేసు రఘు ఆధ్వర్యంలో శనివారం సంప్రదాయబద్ధంగా కప్పతల్లి కార్యక్రమాన్నినిర్వహించారు.సమృద్ధిగా వర్షాలు కురిసి రైతులకు పంటలు బాగా పండాలని, గ్రామంలో సుభిక్షం నెలకొనాలని ఆకాంక్షిస్తూ యువకులు గ్రామంలోని దేవాలయాలకు నీళ్లు పోస్తూ గ్రామమంతా ఊరేగింపుగా తిరిగి ప్రత్యేక ప్రార్థనలు నిర్వహించారు.ఈ సందర్భంగా గ్రామ పెద్దలు మాట్లాడుతూ, కప్పతల్లి ఆచారం గ్రామీణ ప్రాంతాల్లో తరతరాలుగా కొనసాగుతున్న సాంప్రదాయ విశ్వాసమని, ప్రకృతి అనుకూలించి మంచి వర్షాలు కురవాలని ఈ కార్యక్రమాన్ని నిర్వహిస్తున్నట్లు తెలిపారు. వర్షాలు సమృద్ధిగా కురిసి రైతుల కష్టాలు తీరాలని, పంటలు పుష్కలంగా పండాలని వారు ఆకాంక్షించారు.గ్రామ సర్పంచ్ రేసు రఘు మాట్లాడుతూ, రైతుల సంక్షేమమే గ్రామ అభివృద్ధికి పునాది అని, మంచి వర్షాలు కురిసి ప్రతి రైతు సంతోషంగా ఉండాలని కోరుకుంటున్నట్లు తెలిపారు. ఈ కార్యక్రమంలో గ్రామ పెద్దలు, యువకులు, రైతులు, మహిళలు, గ్రామస్తులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.గ్రామంలో భక్తిశ్రద్ధల మధ్య నిర్వహించిన ఈ సంప్రదాయ కార్యక్రమం విశేషంగా ఆకట్టుకుంది.
.jpeg)
