దౌల్తాబాద్(సిద్ధిపేట):దౌల్తాబాద్ మండలం గాజులపల్లి గ్రామంలో గ్రామపంచాయతీ ఆధ్వర్యంలో నిర్వహిస్తున్న నర్సరీని డీఎల్పీఓ చందన సందర్శించారు. ఈ సందర్భంగా నర్సరీలో పెంచుతున్న వివిధ రకాల మొక్కలను పరిశీలించి, వాటి పెరుగుదల, సంరక్షణ, నీటి పారుదల సౌకర్యాలు, రికార్డుల నిర్వహణపై ఆరా తీశారు. నర్సరీలో ప్రతి మొక్కను సక్రమంగా సంరక్షిస్తూ, గ్రామాల్లో పచ్చదనం పెంపొందించేందుకు అవసరమైన చర్యలు చేపట్టాలని ఆమె సూచించారు. మొక్కల మనుగడ శాతాన్ని పెంచడంపై ప్రత్యేక దృష్టి సారించాలని, వర్షాకాలాన్ని సద్వినియోగం చేసుకుని గ్రామంలోని ఖాళీ ప్రదేశాలు, ప్రభుత్వ కార్యాలయాలు, విద్యాసంస్థల ఆవరణల్లో విస్తృతంగా మొక్కలు నాటేలా కార్యాచరణ రూపొందించాలని అధికారులను ఆదేశించారు. అదేవిధంగా, నర్సరీ నిర్వహణలో పారదర్శకత పాటించాలని, మొక్కల సంఖ్య, పంపిణీ వివరాలను ఎప్పటికప్పుడు నమోదు చేయాలని సూచించారు. గ్రామపంచాయతీలు పర్యావరణ పరిరక్షణలో కీలక పాత్ర పోషించాలని, ప్రతి గ్రామం పచ్చని వాతావరణంతో కళకళలాడేలా సమష్టిగా కృషి చేయాలని పేర్కొన్నారు.
.jpeg)
