దౌల్తాబాద్ ,సిద్ధిపేట: జిల్లాలోని రేషన్ కార్డుదారులందరూ ఈ నెల 31లోపు తప్పనిసరిగా ఈ-కేవైసీ పూర్తి చేసుకోవాలని జిల్లా పౌరసరఫరాల అధికారి తనూజ సూచించారు. తెలంగాణ పౌర సరఫరాల శాఖ కమిషనర్ ఆదేశాల మేరకు ప్రజా పంపిణీ వ్యవస్థ ద్వారా అర్హులైన లబ్ధిదారులకు ఆహార ధాన్యాల పంపిణీ నిరంతరాయంగా కొనసాగించేందుకు ఈ ప్రక్రియ చేపట్టినట్లు తెలిపారు.జిల్లాలో మొత్తం 10,47,075 మంది లబ్ధిదారులు ఉండగా, ఇప్పటివరకు 8,48,446 మంది ఈ-కేవైసీ పూర్తి చేసుకున్నారని, ఇది 81.03 శాతానికి సమానమని పేర్కొన్నారు. కొన్ని రేషన్ కార్డుల్లో కుటుంబ సభ్యులలో కొందరు మాత్రమే ఈ-కేవైసీ పూర్తి చేయగా, మిగిలిన వారు ఇంకా చేయించుకోలేదని తెలిపారు. ఈ-కేవైసీ పూర్తి చేయని కుటుంబ సభ్యుల వివరాలను క్షేత్రస్థాయి సిబ్బందికి అందజేసి, వారిని సంప్రదించి ప్రక్రియ పూర్తి చేయించేందుకు చర్యలు తీసుకుంటున్నట్లు వెల్లడించారు. ఇంకా ఈ-కేవైసీ చేయించుకోని వారు తమ సమీప చౌక ధరల దుకాణాన్ని సంప్రదించి వెంటనే పూర్తి చేసుకోవాలని ఆమె విజ్ఞప్తి చేశారు.
.jpeg)
.jpg)
.jpg)
