ఆగస్టు 15 వేడుకల ఏర్పాట్లను పర్యవేక్షించిన ఇన్‌చార్జ్ కలెక్టర్, పోలీస్ కమిషనర్

నిజామాబాద్ :నిజామాబాద్‌లో ఆగస్టు 15 స్వాతంత్ర్య దినోత్సవ వేడుకలను పురస్కరించుకుని పోలీస్ పరేడ్ గ్రౌండ్‌లో జరుగుతున్న ఏర్పాట్లను నిజామాబాద్ ఇన్‌చార్జ్ కలెక్టర్ భవేష్ మిశ్రా,  నిజామాబాద్ పోలీస్ కమిషనర్ శ్రీ పి. సాయి చైతన్య, .పర్యవేక్షించారు. ఈ సందర్భంగా పరేడ్ గ్రౌండ్‌లో వేదిక , బారికేడింగ్ , అతిథుల కూర్చునే ఏర్పాట్లు , పార్కింగ్ , ట్రాఫిక్ నియంత్రణ , భద్రతా చర్యలు తదితర ఏర్పాట్లను పరిశీలించారు. వేడుకలకు హాజరయ్యే ప్రజలు , అధికారులు , ప్రముఖులకు ఎలాంటి ఇబ్బందులు కలగకుండా అన్ని ఏర్పాట్లను సమన్వయంతో పూర్తి చేయాలని సంబంధిత అధికారులకు సూచించారు. ఆగస్టు 15న నిర్వహించనున్న కార్యక్రమం విజయవంతంగా , ప్రశాంత వాతావరణంలో జరిగేలా పటిష్టమైన బందోబస్తు, ట్రాఫిక్ నియంత్రణ చర్యలు చేపట్టాలని పోలీసు అధికారులను ఆదేశించారు. వేడుకలకు సంబంధించిన అన్ని ఏర్పాట్లను నిర్ణీత సమయానికి పూర్తి చేయాలని సూచించారు. ఈ సందర్భంగా అదనపు కలెక్టర్ (లోకల్ బాడీస్)  భుజంగ రావు  , ఎ.ఆర్ ఏసిపి శ్రీ శ్రీరాములు ,  మున్సిపల్ కమిషనర్ శ్రీ దిలీప్ కుమార్ ,  నిజామాబాద్ ఏసిపి శ్రీ ప్రకాష్  , స్పెషల్ బ్రాంచ్ ఇన్స్పెక్టర్ శ్రీధర్ రెడ్డి  , సి.ఐలు  , ఆర్.ఐ లు  మరియు తదితరులు పాల్గొనడం జరిగింది.