నాగర్ కర్నూల్ డిపోలో 63.16 శాతం పోలింగ్

పదేళ్ల తర్వాత ఓటేస్తున్న ఆర్టీసీ కార్మికులు

నాగర్ కర్నూల్ : తెలంగాణ ఆర్టీసీ గుర్తింపు సంఘం ఎన్నికల్లో భాగంగా గురువారం నాగర్ కర్నూల్ డిపోలో పోలింగ్ ఉత్సాహంగా సాగింది. పదేళ్ల సుదీర్ఘ విరామం తర్వాత కార్మికులు తమ ఓటు హక్కును వినియోగించుకుంటున్నారు. నాగర్ కర్నూల్ డిపో పరిధిలో మొత్తం 285 మంది ఓటర్లు ఉన్నారు. ప్రతి ఉద్యోగికి రెండు ఓట్లు వేసే అవకాశం ఉంది. రాష్ట్రస్థాయి గుర్తింపు సంఘం కోసం ఒక ఓటు, ఖమ్మం-నల్గొండ రీజియన్ స్థాయి గుర్తింపు కోసం మరో ఓటు వేస్తున్నారు. తెలంగాణ మజ్దూర్ యూనియన్ (అశ్వత్థామ రెడ్డి వర్గం), సీఐటీయూ అనుబంధ స్టాఫ్ అండ్ వర్కర్స్ ఫెడరేషన్, ఐఎన్‌టీయూసీ అనుబంధ స్టాఫ్ అండ్ వర్కర్స్ యూనియన్, బహుజన కార్మిక యూనియన్ కలిసి ఏర్పాటు చేసిన తెలంగాణ వర్కర్స్ యూనియన్ కూటమి బాణం గుర్తుకు మద్దతుగా కార్మికులు ఓటు వేస్తున్నారు. రీజియన్ స్థాయిలో ఆర్టీసీ స్టాఫ్ అండ్ వర్కర్స్ ఫెడరేషన్‌కు కూటమి మద్దతు ప్రకటించింది. ఉదయం 10:30 గంటల వరకు నాగర్ కర్నూల్ డిపోలో 180 ఓట్లు పోలయ్యాయి. పోలింగ్ శాతం 63.16 శాతంగా నమోదైంది. రీజియన్ వ్యాప్తంగా ఇదే సమయానికి 1,350 ఓట్లు పోలయ్యాయి. ఎన్నికల ప్రక్రియ ప్రశాంతంగా కొనసాగుతోంది.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.