CPS ఉద్యోగుల DA బకాయిలను ఒకేసారి చెల్లించాలి

సంగారెడ్డి జిల్లా SGTU జిల్లా అధ్యక్షులు ఆకుల ప్రభాకర్ పటేల్  డిమాండ్ విజన్ ఆంధ్ర హత్నూర.ఈ సందర్భంగా సంగారెడ్డి జిల్లా ఎస్ జి టి యు అధ్యక్షులు ఆకుల ప్రభాకర్ పటేల్ మాట్లాడుతూ తెలంగాణ రాష్ట్రంలోని CPS ఉద్యోగులకు చెల్లించాల్సిన కరువు భత్యం (DA) బకాయిలను వాయిదాల పద్ధతిలో కాకుండా ఒకేసారి చెల్లించాలని సెకండరీ గ్రేడ్ ఉపాధ్యాయ సంఘం (SGTU) సంగారెడ్డి జిల్లా శాఖ ప్రభుత్వాన్ని ప్రభుత్వాన్ని డిమాండ్ చేశారు.ఉద్యోగులకు ఇటీవల రెండు DA వాయిదాలను మంజూరు చేస్తూ ప్రభుత్వం నిర్ణయం తీసుకోవడం స్వాగతించదగిన పరిణామమే అయినప్పటికీ, వాటికి సంబంధించిన బకాయిలను దీర్ఘకాలిక వాయిదాల్లో చెల్లించాలనే నిర్ణయం CPS ఉద్యోగులకు పూర్తి స్థాయిలో ఆర్థిక ప్రయోజనం చేకూర్చదని SGTU అభిప్రాయపడింది. పెరుగుతున్న నిత్యావసర వస్తువుల ధరలు, కుటుంబ నిర్వహణ ఖర్చులు, పిల్లల విద్య, వైద్య ఖర్చుల నేపథ్యంలో ఉద్యోగులకు రావాల్సిన DA బకాయిలు ఎంతో ప్రాధాన్యత కలిగి ఉన్నాయి. ఉద్యోగుల శ్రమకు ప్రతిఫలంగా రావాల్సిన ఈ ఆర్థిక ప్రయోజనాలను దీర్ఘకాలం పాటు వాయిదాల్లో చెల్లించడం కంటే ఒకేసారి అందించడం ద్వారా వారికి తక్షణ ఆర్థిక ఉపశమనం కలుగుతుంది. ప్రభుత్వ ఉద్యోగుల సంక్షేమాన్ని దృష్టిలో ఉంచుకుని CPS ఉద్యోగులకు సంబంధించిన DA బకాయిల్లో PRAN ఖాతాలకు జమ చేయాల్సిన మొత్తాన్ని నిబంధనల ప్రకారం జమ చేస్తూనే, మిగిలిన బకాయిలను నెలవారీ వాయిదాల్లో కాకుండా ఒకే విడతలో చెల్లించేలా ప్రభుత్వం తగిన చర్యలు తీసుకోవాలని SGTU కోరుతోంది. ఉద్యోగులకు రావాల్సిన బకాయిలు వారి హక్కు. వాయిదాల కోసం సంవత్సరాల తరబడి ఎదురుచూడాల్సిన పరిస్థితిని నివారించి, CPS ఉద్యోగులకు న్యాయం జరిగేలా ప్రభుత్వం సానుకూల నిర్ణయం తీసుకోవాలి. కావున, రాష్ట్ర ముఖ్యమంత్రి గారు, ఆర్థిక శాఖ ఉన్నతాధికారులు ఈ అంశంపై ప్రత్యేక దృష్టి సారించి CPS ఉద్యోగుల DA బకాయిలను ఒకేసారి చెల్లించేందుకు అవసరమైన ఉత్తర్వులు జారీ చేయాలని SGTU సంగారెడ్డి జిల్లా శాఖ తరఫున విజ్ఞప్తి చేస్తున్నాము. మా హక్కుమా బకాయిలు వాయిదాలు వద్దు ఒకేసారి చెల్లింపులు కావాలి!