మిడ్జిల్ మండలంలో ఉచిత పశువైద్య శిబిరం

మిడ్జిల్, :  మిడ్జిల్ మండల పరిధిలోని సుభ్య తాండా (ఇద్దుల భాయ్ తాండా) గ్రామంలో పశు వైద్య, పశుసంవర్ధక శాఖ మరియు తెలంగాణ రాష్ట్ర పశుగణాభివృద్ధి సంస్థ సమన్వయంతో ఉచిత పశువైద్య శిబిరం నిర్వహించారు. ఈ శిబిరంలో పశువుల గర్భకోశ వ్యాధుల నివారణపై పరీక్షలు, చికిత్సలు నిర్వహించడంతో పాటు పాడి రైతులకు అవగాహన కల్పించారు. ఈ సందర్భంగా మొత్తం 27 పాడి పశువులకు చికిత్సలు అందించగా, 17 దూడలకు నట్టల నివారణ మందులు పంపిణీ చేశారు. పశువుల ఆరోగ్య పరిరక్షణ, పాడి పరిశ్రమ అభివృద్ధి, రైతులకు మెరుగైన పశువైద్య సేవలు అందించడమే లక్ష్యంగా ఈ కార్యక్రమాన్ని నిర్వహించారు. పాడి పరిశ్రమ అభివృద్ధిపై రైతులకు అవగాహన ఈ సందర్భంగా మండల పశువైద్యాధికారి డాక్టర్ అనుప శివరాజ్ మాట్లాడుతూ, ఎల్‌నినో వంటి వాతావరణ పరిస్థితులను తట్టుకుంటూ పాడి పరిశ్రమను అభివృద్ధి చేసుకునే విధానాలపై రైతులకు అవగాహన కల్పించారు. వ్యవసాయంతో పాటు పశుసంపదను పెంపొందించుకోవడం ద్వారా రైతులు అదనపు ఆదాయం పొందవచ్చని వివరించారు. పశువుల పోషణ, సెక్స్ సార్టెడ్ సీమెన్ సాంకేతికత ద్వారా ఆడ దూడలు పుట్టే అవకాశాలను పెంచడం, రాయితీపై గడ్డి విత్తనాల పంపిణీ, పశువులకు సకాలంలో టీకాలు వేయించడం వంటి అంశాలపై సూచనలు చేశారు. అలాగే VB-G RAMG పథకం ద్వారా పశువుల షెడ్ల నిర్మాణం, అవసరమైన వైద్య సేవలు అందించేందుకు చర్యలు తీసుకుంటామని తెలిపారు. పాల్గొన్న అధికారులు, ప్రజాప్రతినిధులు ఈ కార్యక్రమంలో మండల పశువైద్యాధికారి డాక్టర్ అనుప శివరాజ్, గ్రామ సర్పంచ్ ధర్మా నాయక్, ఉపసర్పంచ్ రవి నాయక్, గ్రామ పెద్దలు, పాడి రైతులు పాల్గొన్నారు.  పశువైద్య సిబ్బంది సత్యం (JVO), దామోదర్ (VLO), సత్యం (OS)తో పాటు గోపాల మిత్రులు యాదగిరి, రామకృష్ణ, నర్సింలు, మల్లేష్, వేణుగోపాల్ చారి పాల్గొన్నారు