కొత్తగూడెం : కొత్తగూడెం మండల మాజీ విశ్రాంత విద్యాశాఖ అధికారి డా. ప్రభుదయాల్ మరోసారి తన ఔదార్యాన్ని చాటుకున్నారు. నేడు (01-03-2026) పాత కొత్తగూడెంలోని అర్బన్ రెసిడెన్షియల్ పాఠశాలలో విద్యార్థులకు ప్రత్యేక మెనూతో భోజనం ఏర్పాటు చేసి, వారితో సహపంక్తి భోజనం చేశారు.
పాఠశాలలో విద్యా అవసరాలు ఉన్న విద్యార్థులను గుర్తించి, వారి అవసరాలను ఎప్పటికప్పుడు తీర్చేందుకు ఆయన కృషి చేస్తున్నారు. తన చిన్ననాటి అనుభవాలను స్మరించుకుంటూ, ఇతర విద్యార్థులు ఎలాంటి ఇబ్బందులు ఎదుర్కోకూడదనే సంకల్పంతో విద్యాభివృద్ధికి తోడ్పాటునందిస్తున్నారు.ఈ సందర్భంగా విద్యార్థులకు చదువు ప్రాముఖ్యతను వివరించి, క్రమశిక్షణతో, పట్టుదలతో చదువుకోవాలని సూచించారు. చదువుకు సంబంధించిన ఎలాంటి అవసరాలైనా తనకు తెలియజేయాలని హామీ ఇచ్చారు.ఈ కార్యక్రమంలో ఆయన కుటుంబ సభ్యులు, ఉపాధ్యాయులు నరేష్, శంకర్లు, పాఠశాల సిబ్బంది పాల్గొన్నారు.
About The Author
.jpeg)
.jpg)
