మెడిగూడ గ్రామ శివారులో పేకాట స్థావరంపై పోలీసుల దాడి

ఆదిలాబాద్ బ్యూరో అక్టోబర్ 14 (విజన్ ఆంధ్ర)ఆదిలాబాద్ జిల్లా జైనథ్ పోలీస్ స్టేషన్ పరిధిలోని భోరజ్ మండలం మెదిగూడ గ్రామ శివారులో పేకాట ఆడుతున్నారనే విశ్వసనీయ సమాచారం మేరకు జైనథ్ పోలీసులు దాడి నిర్వహించారు. ఈ దాడిలో పేకాట ఆడుతున్న ఐదుగురిని పట్టుకోగా, మరో ముగ్గురు పోలీసులను చూసి పరారయ్యారు. మొత్తం 8 మందిపై జైనథ్ పోలీస్ స్టేషన్లో కేసు నమోదు చేయడం జరిగిందని తెలిపారు. పోలీసులు పట్టుకున్న నిందితుల వివరాలు: 1. సయ్యద్ హుస్సేన్ (44), ధనోరా-కె గ్రామం, ఇంద్రవెల్లి మండలం. 2. బుర్రిన్ వినోద్ (40), లాండసాంగ్వి గ్రామం, జైనథ్ మండలం.3. గోపతి ప్రమోద్ (38), మెదిగూడ గ్రామం, సాత్నాల మండలం.4. ధనీర్ దశరథ్ (25), ఇంద్రవెల్లి గ్రామం, ఇంద్రవెల్లి మండలం.5. గొర్ల రాకేష్ (36), లాండసాంగ్వి గ్రామం, ఆదిలాబాద్ మండలం.పరారీలో ఉన్న నిందితులు:6. దుమాని రాకేష్.7. దగె సుధాకర్.8. ఉట్ల శ్రీకాంత్.పట్టుబడిన ఐదుగురు నిందితుల నుంచి పోలీసులు రూ.38,640 నగదు, 52 పేకాట కార్డులు, ఐదు సెల్‌ఫోన్లు, నాలుగు ద్విచక్ర వాహనాలను స్వాధీనం చేసుకున్నారు. డబ్బులు పందెంగా పెట్టి పేకాట ఆడటం, ఇతర చట్టవిరుద్ధ కార్యకలాపాలకు పాల్పడటం నేరమని, ఇలాంటి చర్యలకు పాల్పడే వారిపై చట్టప్రకారం కఠిన చర్యలు తీసుకుంటామని పోలీసులు హెచ్చరించారు. గ్రామాల్లో పేకాట, ఇతర అసాంఘిక కార్యకలాపాలు జరుగుతున్నట్లు సమాచారం తెలిస్తే వెంటనే   డయల్ 100 ద్వారా పోలీసులకు తెలియజేయాలని ప్రజలకు సూచించారు.