MCPI(C) మేడ్చల్ జిల్లా పగ్గాలు జయచంద్రరెడ్డికి

అక్కన్నపేట :భారత మార్క్సిస్ట్ కమ్యూనిస్ట్ పార్టీ క్లాస్ స్ట్రగుల్ మేడ్చల్–మల్కాజిగిరి జిల్లా కార్యదర్శిగా కా. మాసిరెడ్డి జయచంద్రరెడ్డిని తెలంగాణ రాష్ట్ర కమిటీ నియమించింది. గతంలో సీపీఐ(ఎం),  అనుబంధ యువజన సంఘాల్లో పనిచేసిన అనుభవం, వామపక్ష ఉద్యమంలో ఆయనకు ఉన్న పరిచయాన్ని పరిగణనలోకి తీసుకుని ఈ బాధ్యతలు అప్పగించినట్లు పార్టీ తెలంగాణ రాష్ట్ర కార్యదర్శి కా. లింగంపల్లి శ్రీనివాసరెడ్డి తెలిపారు. కా. మాసిరెడ్డి జయచంద్రరెడ్డి పెద్దపల్లి జిల్లా గోదావరిఖని, మంథని ప్రాంతాల్లో DYFIలో పనిచేయడంతో పాటు అప్పటి ఉమ్మడి కరీంనగర్ జిల్లా పెద్దపల్లి డివిజన్ కమిటీలో సేవలందించారు. ఉద్యోగ, ఉపాధి అవసరాల రీత్యా హైదరాబాద్‌లోని మియాపూర్ ప్రాంతానికి వచ్చిన అనంతరం MCPI(U) అనుబంధ యువజన సంఘం AIFDYలో పనిచేశారు. గత నాలుగు సంవత్సరాలుగా పార్టీ, యువజన సంఘ కార్యకలాపాలకు దూరంగా ఉన్న ఆయన స్థానిక కార్పొరేటర్ వద్ద ఆఫీస్ కార్యదర్శిగా పనిచేశారు. ప్రస్తుతం ఉప్పల్ ప్రాంతంలోని ఓ విద్యాసంస్థలో ప్రైవేట్ ఉద్యోగం చేస్తున్నారు. నూతనంగా ఏర్పడిన MCPI(C) ఆశయాలు, సిద్ధాంతాలు నచ్చడంతో తిరిగి కమ్యూనిస్టు ఉద్యమంలోకి వచ్చి పార్టీ రాష్ట్ర కార్యదర్శి కా. లింగంపల్లి శ్రీనివాసరెడ్డి ఆధ్వర్యంలో పార్టీలో చేరారు. గతంలో CPIM, MCPI(U) అనుబంధ యువజన సంఘాల్లో నాయకుడిగా, పార్టీ కార్యకర్తగా పనిచేసిన అనుభవాన్ని పరిగణనలోకి తీసుకున్న రాష్ట్ర కమిటీ మేడ్చల్–మల్కాజిగిరి జిల్లా కార్యదర్శి బాధ్యతలను ఆయనకు అప్పగించింది. జిల్లాలో పార్టీ నిర్మాణాన్ని బలోపేతం చేయడంతో పాటు కార్మికులు, యువత, విద్యార్థులు, ఉద్యోగుల సమస్యలపై ఉద్యమాలను నిర్మించేందుకు కృషి చేస్తానని జయచంద్రరెడ్డి తెలిపారు.