గ్రామ పంచాయతీ సిబ్బందికి దసరా కానుకగా నూతన వస్త్రాలు పంపిణీ

సిబ్బంది సేవలను గుర్తించి పండుగ కానుకలు అందించిన కుందారం సర్పంచ్ కూకట్ల రాజుయాదవ్

లింగాల గణపురం (జనగాం ): కుందారం, అక్టోబర్ 14: దసరా పండుగను పురస్కరించుకుని కుందారం గ్రామ సర్పంచ్ కూకట్ల రాజుయాదవ్ ఆధ్వర్యంలో గ్రామ పంచాయతీ సిబ్బందికి నూతన వస్త్రాలను దసరా కానుకగా అందజేశారు. పండుగ వేళ సిబ్బందిలో ఆనందాన్ని నింపుతూ, వారి సేవలను గుర్తించి వస్త్రాలు పంపిణీ చేయడం అభినందనీయమని పలువురు పేర్కొన్నారు.ఈ సందర్భంగా సర్పంచ్ కూకట్ల రాజుయాదవ్ మాట్లాడుతూ గ్రామ అభివృద్ధిలో గ్రామ పంచాయతీ సిబ్బంది పాత్ర కీలకమని, ప్రజలకు మెరుగైన సేవలు అందించడంలో వారి కృషి ఎంతో ముఖ్యమని తెలిపారు.ఈ కార్యక్రమంలో ఉప సర్పంచ్, వార్డు సభ్యులు, పంచాయతీ కార్యదర్శి, గ్రామ పంచాయతీ సిబ్బంది తదితరులు పాల్గొన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.