మర్పల్లి :మున్సిపల్ ఎన్నికల్లో తెలంగాణ రాష్ట్ర స్పీకర్ గడ్డం ప్రసాద్ కుమార్ కూతురు అనన్య ఘన విజయం సాధించి మున్సిపల్ చైర్మన్గా ఎన్నిక కావాలని ఆకాంక్షిస్తూ వికారాబాద్ జిల్లా మర్పల్లి మండలంలోని సిరిపురం గ్రామ ఉపసర్పంచ్ రత్నం మేడారంలోని ప్రసిద్ధ సమ్మక్క–సారక్క వనదేవతలను దర్శించి ప్రత్యేక మొక్కులు చెల్లించారు. తెలంగాణ ప్రజల ఆరాధ్య దైవమైన సమ్మక్క–సారక్కలకు పూజలు నిర్వహించిన ఉపసర్పంచ్ రత్నం, ప్రజల ఆశీర్వాదంతో పాటు దైవ అనుగ్రహం ఉంటే అనన్యకు అపూర్వ విజయం తప్పదని విశ్వాసం వ్యక్తం చేశారు. ప్రజా సమస్యల పరిష్కారం, అభివృద్ధి కార్యక్రమాల అమలు కోసం అనన్య నాయకత్వం అత్యంత అవసరమని ఈ సందర్భంగా ఆయన పేర్కొన్నారు.సమ్మక్క–సారక్కలు అనన్యకు విజయం ప్రసాదించాలని మొక్కుకున్నట్లు వెల్లడించిన రత్నం, మున్సిపాలిటీ అభివృద్ధి, ప్రజల సంక్షేమం, పారదర్శక పాలన కోసం ఈ విజయం కీలకమని అన్నారు. మేడారం దేవతల ఆశీస్సులతో ప్రజల తీర్పు అనన్యకు అనుకూలంగా వస్తుందనే ధీమాను వారు వ్యక్తం చేశారు.
About The Author
