కొత్తగూడె : ఆటో డ్రైవర్లపై అమలవుతున్న వివిధ నిబంధనలను సవరించి వారి సమస్యలను తక్షణమే పరిష్కరించాలని ఏఐటీయూసీ రాష్ట్ర అధ్యక్షుడు కంచర్ల జములయ్య రాష్ట్ర ప్రభుత్వాన్ని కోరారు. మంగళవారం కొత్తగూడెం ఆర్టీవో కార్యాలయం ఎదుట నిర్వహించిన ముట్టడి కార్యక్రమంలో ఆయన మాట్లాడుతూ, ఆటోలపై స్టిక్కర్ విధానాన్ని రద్దు చేయాలని, డ్రైవింగ్ లైసెన్స్లకు సంబంధించి జారీ చేసిన చలానాలను వెంటనే ఉపసంహరించుకోవాలని డిమాండ్ చేశారు. అలాగే ఆటో ఫిట్నెస్పై పెంచిన చలానా రుసుములను తగ్గించాలని కోరారు. ప్రస్తుతం అమలులో ఉన్న ఆటో లైసెన్స్ విధానాన్ని రద్దు చేసి, గతంలో అమలులో ఉన్న విధంగా త్రీ వీలర్ ఆటో లైసెన్స్లను పునరుద్ధరించాలని రాష్ట్ర ప్రభుత్వాన్ని విజ్ఞప్తి చేశారు. ఈ కార్యక్రమంలో ఏఐటీయూసీ జిల్లా కార్యదర్శి మర్రి కృష్ణ, టౌన్ అధ్యక్షుడు అబ్బులు, కార్యదర్శి దేశాయ్, వివిధ ఆటో స్టాండ్ల అధ్యక్షులు, కార్యదర్శులు, ఆటో డ్రైవర్లు పాల్గొన్నారు.
.jpeg)
