చౌటకూర్,: చౌటకూర్ మండల కేంద్రంలో మంగళవారం జలసిరి ఫామ్ పౌండ్లు, వ్యక్తిగత సోక్ పిట్స్ (ఇంకుడు గుంతలు) అమలుకు సంబంధించి రాష్ట్రస్థాయి నుంచి ఆన్లైన్ శిక్షణ కార్యక్రమం నిర్వహించారు. గ్రామీణాభివృద్ధి కార్యక్రమాల అమలులో భాగంగా పంచాయతీ కార్యదర్శులు, ఫీల్డ్ అసిస్టెంట్లు, టెక్నికల్ అసిస్టెంట్లు, మేట్లకు ఈ శిక్షణ అందించారు.శిక్షణలో జలసిరి ఫామ్ పౌండ్ల నిర్మాణ విధానం, వ్యక్తిగత సోక్ పిట్స్ ఏర్పాటు, పనుల ఎంపిక, నాణ్యతా ప్రమాణాలు, ప్రభుత్వ మార్గదర్శకాల ప్రకారం పనుల అమలు, ప్రజలకు కలిగే ప్రయోజనాలు తదితర అంశాలపై రాష్ట్రస్థాయి నిపుణులు సమగ్రంగా వివరించారు. గ్రామీణ ప్రాంతాల్లో వర్షపు నీటి సంరక్షణ, భూగర్భ జలాల పెంపు, పారిశుద్ధ్య మెరుగుదల లక్ష్యంగా ఈ కార్యక్రమాలను సమర్థవంతంగా అమలు చేయాలని సూచించారు.ఈ కార్యక్రమంలో మండల అభివృద్ధి అధికారి (ఎంపీడీవో) కే. శంకర్, సహాయ ప్రాజెక్టు అధికారి (ఏపీఓ) రామ్మోహన్, ఇంజినీరింగ్ కన్సల్టెంట్ మహేశ్వర్ రెడ్డి, టెక్నికల్ అసిస్టెంట్లు ప్రతాప్ రెడ్డి, రమేష్, పంచాయతీ కార్యదర్శులు, ఫీల్డ్ అసిస్టెంట్లు, మేట్లు పాల్గొని శిక్షణను పూర్తిచేశారు.శిక్షణలో పాల్గొన్న అధికారులు ప్రభుత్వ ఆదేశాలకు అనుగుణంగా గ్రామాల్లో జలసిరి ఫామ్ పౌండ్లు, వ్యక్తిగత సోక్ పిట్స్ పనులను నాణ్యతతో, వేగవంతంగా అమలు చేసి గ్రామీణాభివృద్ధికి తోడ్పడాలని పిలుపునిచ్చారు.
.jpeg)
