మాజీ ఎమ్మెల్యే వ్యాఖ్యలను తీవ్రంగా ఖండిస్తున్నాం : యూత్ కాంగ్రెస్ నియోజకవర్గ ప్రధాన కార్యదర్శి మహమ్మద్ ముస్తఫా ( టిపు )

వికారాబాద్  : శాసనసభాపతి గడ్డం ప్రసాద్ కుమార్ పై అనుచిత వ్యాఖ్యలు చేస్తే ఊరుకునే ప్రసక్తే లేదని వికారాబాద్ నియోజకవర్గ యూత్ కాంగ్రెస్ ప్రధాన కార్యదర్శి మహమ్మద్ ముస్తఫా ( టిపు ) తీవ్రంగా ఖండించారు. ఒకే వర్గానికి సంబంధించిన అనుకూల వ్యాఖ్యలు చేశాడని అనడం సమర్ధనీయం కాదని ఆయన తీవ్రంగా మండిపడ్డారు. బుధవారం వికారాబాద్ నియోజకవర్గ యూత్ కాంగ్రెస్ ప్రధాన కార్యదర్శి విజన్ ఆంధ్ర జిల్లా ప్రతినిధి మాచన్నగారి గైబులు ముదిరాజ్ తో మాట్లాడారు. బిఆర్ఎస్ పార్టీ మాజీ ఎమ్మెల్యే శాసనసభాపతి పై చేసిన తీవ్రమైన వ్యాఖ్యలను ఖండిస్తున్నామని ఆయన స్పష్టం చేశారు. కాంట్రాక్టర్లు, రాజకీయ నాయకుల నుండి కమిషన్లు తీసుకుంటున్నాడనే నిరాధార ఆరోపణలు చేస్తే ఊరుకునేది లేదని ఆయన ఖరాఖండిగా తేల్చి చెప్పారు. కమిషన్లు తీసుకునే దుస్థితి శాసనసభాపతికి లేదని ఆయన విశ్వాసం వ్యక్తం చేశారు. రాజకీయ ప్రతినిదులు నియోజకవర్గ నాయకులు ఏ పని చేసుకోవడానికి, పరిష్కరించుకోవడానికి వచ్చిన వ్యక్తులకు సహాయ సహకారం అందించే మహోన్నత గుణం కలవారని ఆయన ధీమా వ్యక్తం చేశారు. కాంగ్రెస్ పార్టీ కుటుంబ సభ్యులలో చిచ్చు పెట్టి రాజకీయ పబ్బం గడుపుకోవాలని చూసుకునే వ్యక్తులకు గాని రాజకీయ నాయకులకు గాని వారి మాటలు చెల్లవని ఆయన తెలిపారు. నీటి మీద బుడగ లాంటి ఆరోపణలు చేస్తే భయపడే వ్యక్తులు కాంగ్రెస్ పార్టీలో లేరని ఆయన విశ్వాసం వ్యక్తం చేశారు. సాక్ష్యాధారాలతో చేసిన ఆరోపణలకు కాంగ్రెస్ పార్టీ స్పందిస్తుంది అని అన్నారు. మాజీ ఎమ్మెల్యే డాక్టర్ మెతుకు ఆనంద్ స్పీకర్ పై చేసిన ఆరోపణలు అర్థరహితమని ఆయన కొట్టిపారేశారు. వికారాబాద్ పట్టణం మోమిన్పేట్ మండల పరిధిలోని కార్యకర్తల్లో ఏదో అలజడి సృష్టించి పబ్బం గడుపుకోవాలని మాజీ ఎమ్మెల్యే చూడడం అవివేకం అని దెప్పి పొడిచారు. నిరాధారమైన ఆరోపణలు చేసిన బిఆర్ఎస్ పార్టీకి రాబోవు మున్సిపల్ ఎన్నికల్లో ప్రజలు తగిన బుద్ధి చెబుతారని ఆయన ధీటుగా స్పందించారు. రాష్ట్ర ఉన్నతమైన పదవిలో ఉన్న ప్రధానమైన వ్యక్తిని తూలనాడడం అవివేకమని ఆయన తీవ్రంగా ఆగ్రహం వ్యక్తం చేశారు. నాయకులపై స్పీకర్ పదవిలో ఉన్న వ్యక్తిని బుల్లెట్ రాజా అనడం ఆయన వివేచనా విచక్షనా జ్ఞానానికి వదిలిపెడుతున్నామని ఆయన అన్నారు. కాంగ్రెస్ పార్టీ ఏ పోస్టింగ్లకైనా ఎవరి దగ్గర నుంచి కూడా నయా పైసా కమిషన్ తీసుకున్నట్లు రుజువు చూపించాలని ఆయన ప్రశ్నించారు. శాసనసభాపతి కాంట్రాక్టర్లు అధికారులు పోలీస్ అధికారుల నుండి కమిషన్లు తీసుకున్నట్లు రుజువు చేస్తే దేనికైనా సిద్ధమని ఆయన అన్నారు. ఆర్ అండ్ బి పంచాయతీరాజ్ అధికారులు స్వచ్ఛందంగా శాసనసభాపతిని కలిసి సమస్యల పరిష్కారం గురించి చర్చించుకోవడం అవినీతి అవుతుందా అని ఆయన ప్రశ్నించారు.