విధి నిర్వహణలో స్వతంత్రుడిగా లేని ఎస్పీ.. జిల్లా ఎస్పి నరసింహ ను వెంటనే బదిలీ చేయాలి..

సూర్యాపేట :  కర్ల రాజేష్ మృతిపై నిర్లక్ష్యం వహిస్తున్న జిల్లా ఎస్పి నరసింహ ను వెంటనే బదిలీ చేయాలని ఎమ్మార్పీఎస్ వ్యవస్థపాక అధ్యక్షులు మందకృష్ణ మాదిగ అన్నారు.మంగళవారం సూర్యాపేట జిల్లా కేంద్రంలో జిల్లా ఎమ్మార్పీఎస్ ఆధ్వర్యంలో ఏర్పాటు చేసిన విలేకరుల సమావేశంలో వారు మాట్లాడారు.కర్ల రాజేష్ మృతికి కారకులైన ప్రతి ఒక్క అధికారిని సస్పెండ్ చేయాలన్నారు.కర్ల రాజేశ్ మృతికి కారకులైన పోలీసులపై ఆ శాఖ ఉన్నతాధికారులు తీసుకున్న చర్యలపై మందకృష్ణ అసహనం వ్యక్తం చేశారు.ఎస్సైపై చర్యలు తీసుకోకుండా కోదాడ ఎమ్మెల్యే పద్మావతి నే కాపాడుతున్నారంటూ మందకృష్ణ మాదిగ సంచలన ఆరోపణలు చేశారు. ప్రధాన ఆరోపణలు ఎదుర్కొంటున్న ఎస్సై సురేశ్ రెడ్డిని సస్పెండ్ చేయకుండా ఎస్పీ ఆఫీస్‌కి అటాచ్ చేయడంపై ధ్వజమెత్తారు. ఎస్సైను కాపాడే ప్రయత్నంలో భాగంగానే ఎస్పీ కార్యాలయానికి అటాచ్ చేశారని మండిపడ్డారు.ఈ కేసులో బీసీ వర్గానికి చెందిన కోదాడ రూరల్ సీఐ ప్రతాప్ లింగంపై సస్పెన్షన్ వేయడం అన్యాయమని అన్నారు.ఎస్సై బలమైన సామాజిక వర్గానికి చెందినవాడు కాబట్టే వదిలేశారని మందకృష్ణ ఫైర్ అయ్యారు.జిల్లా ఎస్పి కోదాడ ఎమ్మెల్యే ఒత్తిడికి కేసును తప్పు దోవ పట్టిస్తున్నారని తెలిపారు.బీసీ సామాజిక బలహీన వర్గానికి చెందిన కోదాడ రూరల్ సీఐ ప్రతాప్ లింగం ను మాత్రమే సస్పెండ్ చేయడం చూస్తే విధి నిర్వహణలో స్వతంత్రుడిగా లేడన్నారు.రెడ్డి సామాజికవర్గానికి చెందిన వారని కోదాడ డియస్పి శ్రీధర్ రెడ్డి, చిలుకూరు ఎస్ఐ సురేష్ రెడ్డి ని సస్పెండ్ చేయలేదన్నారు.ఎస్పీకి తెలియకుండానే చిలుకూరు ఎస్సై సికింద్రాబాద్ గాంధీ హాస్పిటల్ కు తీసుకెళ్లి లక్ష్మి కాంత్ రెడ్డి తోనే ఎందుకు పోస్ట్ మార్టన్ చేయించారు.కోదాడ నుండి హైదరాబాద్ వరకు పోలీసుల వాహనంలో రామకృష్ణారెడ్డినే వీడియో గ్రాఫర్ గా తీసుకెళ్లి ఎందుకు వీడియోలు తీయించారు. బీసీని బలి చేయడానికి రెడ్డిలను కాపాడడం కొరకు ఎమ్మెల్యే చెప్పిన మాటలకు ఎస్పి కేసు తప్పుదోవ పట్టించడానికి ప్లాన్ వేశారని తెలిపారు.నవంబర్ 10న కోదాడ కోర్టులో సమర్పించిన రిమాండ్ డైరీ.. డిసెంబర్ 01న హైకోర్టులో సమర్పించిన రిమాండ్ డైరీ ఎలా మార్తుందన్నారు. కోర్టు ముందు ఐకాన్ ఇంజక్షన్ ఇచ్చి రిమాండ్ ఎలా చేస్తారని తెలిపారు.
 ఈ అవకతవకలకు చిలుకూరి ఎస్సై మూలకారకుడని ఆరోపించారు. దర్యాప్తు అధికారిని కాదని హైకోర్టుకు సీఐ ని ఎందుకు పంపారన్నారు.రాజేష్ మరణించి 45 రోజులు అవుతున్న ఎస్పీ ఏలాంటి వివరణ జవాబు, ఖండించడం లేదని కేసుని కప్పిపుచ్చే ప్రయత్నం చేస్తున్నారని అన్నారు. రాజేష్ ను అక్రమ నిర్బంధన చేసిన వారు సస్పెండ్ చేసే వరకు మా ఉద్యమం ఆగదన్నారు.ఈ కేసులో కారకులైన రెడ్డి పోలీస్ అధికారులను తప్పించి  బలహీన వర్గాల అధికారి బలి చేసే ప్రయత్నం ఎస్పీ చేశారని అందువల్ల తక్షణమే జిల్లా నుండి ట్రాన్స్ఫర్ చేయాలని డిజిపి, ఉన్నత అధికారులకు విజ్ఞప్తి,డిమాండ్ చేస్తున్నామని తెలిపారు.పోలీస్ శాఖ అధికారులపై చట్టపరమైన చర్యలు తీసుకోకపోతే మేము పోరాటాలు చేస్తామన్నారు. జిల్లాలోని అన్ని నియోజకవర్గాలు, మండలాల్లో  నిరవధిక దీక్షలు,నిరంతరం ధర్నాలు, రాస్తారోకోలు,నిరసనలు చేపడతామని పిలుపునిచ్చారు.
 ఈనెల 30న కోదాడ నియోజకవర్గంలో కర్ల రాజేష్ సంతాప సభ పేరుతో వేలాదిమంది ఈ సంఘటన వ్యతిరేకించి లాక్ అప్ డెత్ ను ఖండించే ప్రజలు, ప్రజాసంఘవాదులు,దళిత సంఘాల అందరితో భారీ సభను జరిపి ఈ భవిష్యత్తు ఉద్యమాన్ని జిల్లా వరకు కాకుండా రాష్ట్రవ్యాప్తంగా ఉద్యమాన్ని జరిపే విధంగా ప్రణాళికను చేపడతామన్నారు.ఈ కార్యక్రమంలో ఎం జె ఎఫ్ సీనియర్ అడ్వకేట్ డప్పు మల్లయ్య, బచ్చలకూరి వెంకటేశ్వర్లు, చింతలపాటి చిన్న శ్రీరాములు, యాతాకుల రాజన్న, చింత వినయ్ బాబు, ఎర్ర వీరస్వామి, ములకలపల్లి రవి,తళ్లమళ్ళ హుస్సేన్, కోట గోపి,బొల్లెద్దు వినయ్,కనుకుంట్ల వెంకన్న,గ్యార కనకయ్య, చింత సతీష్, బొడ్డు విజయ్, మీసాల శ్రీను అడ్వకేట్, సిరిపంగి లింగస్వామి, వల్దాస్ జానీ,చెరుకుపల్లి సతీష్,కిరణ్, మేడి కృష్ణ, కొండేటి గోపి,ఆదిమల్ల మోహన్, దైద శ్రీను, గంట బిక్షపతి, రాజేష్, మిర్యాల చిన్ని, మొండి కత్తి మనోజ్, గోపీచంద్, షేక్ నయీమ్ తదితరులు పాల్గొన్నారు.