పాలకవీడు : సోమవారం పాలకవీడు మండల కేంద్రంలో సిపిఎం పార్టీ మాజీ సర్పంచ్ మీసాల కాశయ్య ప్రథమ వర్ధంతి సందర్భంగా సిపిఎం పార్టీ మండల కార్యదర్శి కందగట్ల అనంత ప్రకాష్, సిపిఎం పార్టీ నాయకులు పూలమాలలు వేసి నివాళులర్పించారు. ఈ సందర్భంగా సిపిఎం మండల కార్యదర్శి కందగట్ల అనంత ప్రకాష్ మాట్లాడుతూ మాజీ సర్పంచ్ కాశయ్య నిరంతరం పేద ప్రజల సమస్యలపై పోరాడేవారని వారి సమస్యల పరిష్కారం కోసం కృషి చేసినారని ఆయన ఆశయ సాధన కోసం పనిచేయాలని పిలుపునిచ్చారు. జూలకంటి రంగారెడ్డి, ఎమ్మెల్యేగా ఉన్న సమయంలో పారేపల్లి శేఖర్ రావు ఎంపీపీ గా ఉన్న సందర్భంలో మీసాల కాశయ్య సర్పంచిగా పనిచేశాడని ఆ కాలంలో గ్రామంలోని అనేక అభివృద్ధి కార్యక్రమాలు చేపట్టారని తెలియజేశారు. అంతేకాకుండా పదవి ఉన్నా లేకున్నా ఎర్రజెండా నీడన పేద ప్రజల సమస్యల పరిష్కారం కోసం ఉద్యమించారని తెలిపారు. అంతేకాకుండా దళిత బహుజన రైతు కూలీల సమస్యలపై నిరంతరం పోరాడిన వ్యక్తి మీసాల కాశయ్య అని ఆయన కొనియాడారు. ఎర్రజెండా ద్వారానే పేద ప్రజల సమస్యలు పరిష్కారమవుతాయని నమ్మిన గొప్ప వ్యక్తి అని ఆయన ఆశయ సాధన అంటే ప్రస్తుతం అధికారంలో ఉన్న కేంద్ర రాష్ట్ర ప్రభుత్వాల ప్రజా వ్యతిరేక విధానాలపై పోరాడడమే ఆయనకిచ్చిన ఘనమైన నివాళి ఆని పేర్కొన్నారు. కేంద్రంలోని బిజెపి ప్రభుత్వం ఎర్రజెండా పోరాట ఫలితంగా ఆనాడు యూపీఏ ప్రభుత్వం మహాత్మా గాంధీ ఉపాధి హామీ చట్టం తీసుకువచ్చిందని నేడు కేంద్ర ప్రభుత్వం ఉపాధి హామీ చట్టాన్ని నీరుగారుస్తూ మన జాతిపిత మహాత్మా గాంధీ పేరును తొలగిస్తూ జిరాంజీ అనే పేరు మీద ఒక స్కీం లాగా తీసుకువచ్చే విధంగా పార్లమెంట్లో బిల్లును ఆమోదించిందని ఇది వ్యవసాయ కూలీలకు తీవ్రమైనటువంటి నష్టాన్ని చేకూరుస్తుందని వెంటనే ఆ బిల్లును రద్దుచేసి యధావిధిగా మహాత్మా గాంధీ ఉపాధి హామీ చట్టంగా అమలు చేయాలని ఆయన డిమాండ్ చేశారు . నిరంతరం వ్యవసాయ కూలీలు రైతులు యువజనలు మహిళలు మీద వృత్తుల్లో పనిచేసే వారి సమస్యల కోసం వాటి పరిష్కారం కోసం ఉద్యమించాలని పిలుపునిచ్చారు. ఈ కార్యక్రమంలో పిఎసిఎస్ మాజీ వైస్ చైర్మన్ పగడాల మట్టేష్, సిపిఎం మండల నాయకులు మాతంగి ఏసురత్నం, నన్నెపంగా రమేష్, పరంగి కృష్ణ, పాత కోటి వెంకటి, మాతంగి జాన్, దేవరకొండ దేవేందర్ సామిల్, కాశయ్య భార్య బిక్ష్మమ్మ, కుమారుడు చంటి, కూతుర్లు, అల్లుళ్లు, తదితరులు పాల్గొన్నారు.
About The Author
.jpeg)
