విద్యుత్ షాక్ తో యువకుడు మృతి ..... తండావాసులు రోడ్డు మీద బేటాయించి ధర్న

 

 

 

పెన్ పహాడ్ :  కరెంట్ షాక్ తో యువకుడు మృతి చెందిన సంఘటన మండల పరిధిలోని గూడెపుకుంట తండాలో చోటుచేసుకుంది. బాధితులు తెలిపిన వివరాల ప్రకారం గత మూడు రోజుల నుండి గ్రామంలోని వివిధ ఇళ్లకు ఎర్త్ వస్తుందని సంబంధిత అధికారులకు తెలియజేస్తే అధికారులు మాత్రం చూసి చూడనట్లు నిర్లక్ష్యంగా వివరించారని బాధితులు తెలిపారు. గుండెపుకుంటా తండాలో మంగళవారం సాయంత్రం 5.00 గంటల నుండి 6.00 గంటల మధ్య ట్రాన్స్ఫర్మర్ / DB లో ఏర్పడిన సమస్య కారణంగా గ్రామంలోని అన్ని ఇండ్లలో కరెంటు షాక్ (ఎర్త్ రావడం) జరిగింది అని బాధితులు తెలిపారు . ఈ ఘటనలో పలువురు గ్రామస్తులు విద్యుత్ షాక్‌కు గురై గాయపడ్డారు అని బాధితులు తెలిపారు. భూక్యా మోహన్, ఇంట్లో ఫ్రీజ్ పట్టుకోగానే తీవ్రంగా కరెంటు షాక్ తగిలి అదుపు తప్పి పక్కనే ఉన్న టీవీపై పడిపోగా, టీవీ పగిలిపోయి అతనికి శారీరక గాయాలు అయ్యాయి. జరుపుల మస్తాన్ ఇంట్లో గృహోపకరణాలు పట్టుకోగానే కరెంటు షాక్ తగిలి చేతికి గాయాలు అయ్యాయి అని బాధితులు తెలిపారు. అదే సమయంలో భూక్యా హరిలాల్ కూడా కరెంటు షాక్‌కు గురై తీవ్రంగా గాయపడి మరణించాడు. అతనికి మూడు సంవత్సరాల వయస్సు గల కుమారుడు ఉన్నాడు. హరిలాల్ మరణంతో కుటుంబం తీవ్ర దుఃఖంలో మునిగిపోయింది. గ్రామంలో ముందుగానే DB సమస్య ఉందని గ్రామ ప్రజలు పలుమార్లు విద్యుత్ శాఖ అధికారులకు తెలియజేసినప్పటికీ, వారు సకాలంలో స్పందించలేదు. ఈ నిర్లక్ష్యం కారణంగానే ఈ దుర్ఘటన చోటు చేసుకుందాని బాధితులు తెలిపారు. హరిలాల్ కు షాక్ వచ్చిన తర్వాత మొక్కుబడిగా గ్రామ లైన్మెన్ వచ్చి, స్వయంగా సమస్యను పరిష్కరించకుండా తన అసిస్టెంట్‌ను పంపించి DB / ట్రాన్స్ఫర్మర్‌ను తాత్కాలికంగా బాగుచేసి వెళ్లిపోయారు. కానీ ఈ ఘటనకు గల బాధ్యతను ఎవరూ స్వీకరించలేదు అని బాధితులు తెలిపారు. ఈ ఘటనపై విద్యుత్ శాఖ అధికారుల నిర్లక్ష్యంపై కేసు నమోదు చేసి, చట్ట ప్రకారం విచారణ జరిపి బాధ్యులపై చర్యలు తీసుకోవాలని రోడ్డుపై బెటాయించి ధర్నా నిర్వహించారు.