మహిళలు శాసనాలు శాసించే స్థాయికి ఎదగాలి : జాతీయ బీసీ సేన అధ్యక్షులు బర్కా కృష్ణ

మహిళా నాయకత్వానికి బీసీ సేన అండగా నిలుస్తుంది 
రంగారెడ్డి బ్యూరో : గ్రామ పాలనలో మహిళా నాయకత్వాన్ని మరింత బలోపేతం చేయాలనే లక్ష్యంతో జాతీయ బీసీ సేన ఆధ్వర్యంలో షాద్‌నగర్ నియోజకవర్గానికి చెందిన మహిళా సర్పంచులు, వార్డు సభ్యులకు 148 మంది మహిళా సభ్యులను ఘన సన్మాన కార్యక్రమం నిర్వహించారు. ఈ కార్యక్రమం జాతీయ బీసీ సేన నియోజకవర్గ ఇంచార్జి జయ శ్రీకాంత్ అధ్యక్షతనతో జరిగింది.ఈ కార్యక్రమానికి ముఖ్య అతిథులుగా జాతీయ బీసీ సేన అధ్యక్షులు బర్కా కృష్ణ, బీసీ సేన రాష్ట్ర అధ్యక్షులు వరప్రసాద్ యాదవ్, మహబూబ్నగర్ జిల్లా బీసీ సేన అధ్యక్షులు సుూప్ప ప్రకాష్,రంగారెడ్డి జిల్లా అధ్యక్షులు సదర్ శ్రీను, మహిళ ముఖ్య అతిథులు  పబ్లిక్ ప్రాసిక్యూటర్ నబియా సుల్తానా,మహిళా ప్రజాప్రతినిధులను సత్కరించారు.ఎన్నికల్లో విజయం సాధించిన మహిళా సర్పంచులు, వార్డు సభ్యులను ఘనంగా సన్మానించి, వారి సేవలను అభినందించారు.

రాజకీయాల్లో మహిళల పాత్ర పెంచడమే లక్ష్యం. 
జాతీయ బీసీ సేన అధ్యక్షులు బర్కా కృష్ణ మాట్లాడుతూ... మహిళలను రాజకీయంగా ఎదిగే దిశగా తీసుకెళ్లడమే బీసీ సేన ప్రధాన లక్ష్యమని తెలిపారు. మహిళలకు సమాన అవకాశాలు కల్పించేందుకు బీసీ సేన నిరంతరం పోరాటం చేస్తోందని అన్నారు. శాసనసభలు, పార్లమెంటుల్లో మహిళల ప్రాతినిధ్యం మరింత పెరగాలని ఆకాంక్షించారు. ఈ సందర్భంగా జయ శ్రీకాంత్  మాట్లాడుతూ...ప్రజల విశ్వాసంతో గెలిచిన మహిళా ప్రజాప్రతినిధులను సత్కరించడం ద్వారా వారిలో మరింత ఆత్మవిశ్వాసం, సేవాభావం పెరుగుతుందని పేర్కొన్నారు. ప్రజలు అందించిన తీర్పును గౌరవిస్తూ, గ్రామాల అభివృద్ధికి అంకితభావంతో పని చేయాలని సూచించారు. మహిళలు భవిష్యత్తులో ఎమ్మెల్యేలు, ఎంపీలు వంటి ఉన్నత స్థాయికి ఎదగాలని ఆకాంక్షించారు. 

రాజకీయాల్లో మహిళల పాత్ర పెంచడమే లక్ష్యం 
బీసీ సేన రంగారెడ్డి జిల్లా అధ్యక్షులు సదర్ శ్రీను మాట్లాడుతూ... బీసీ సేన ఎప్పటికీ అణగారిన వర్గాలకు అండగా నిలుస్తుందని స్పష్టం చేశారు. ప్రజలు అప్పగించిన అధికారాన్ని సమర్థవంతంగా వినియోగించుకోవాలని, మహిళలు రాజకీయ, సామాజిక రంగాల్లో తమ సత్తాను నిరూపించుకోవాలని పిలుపునిచ్చారు.ప్రతి గ్రామంలో బీసీ సేన కమిటీలను పూర్తిస్థాయిలో ఏర్పాటు చేయాలని సూచించిన ఆయన, బడుగు బలహీన వర్గాలకు న్యాయం చేకూర్చేలా సమిష్టిగా కృషి చేయాలని పిలుపునిచ్చారు. రాబోయే మున్సిపల్, జడ్పీటీసీ, ఎంపీటీసీ ఎన్నికల్లో మహిళలు రాజ్యాధికారం సాధించే స్థాయికి ఎదగాలని, ఆ దిశగా బీసీ సేన తన శక్తిని చాటుతుందని స్పష్టం చేశారు.అదేవిధంగా షాద్‌నగర్ నియోజకవర్గంలో బీసీ సేనను పటిష్టంగా నిర్మించినందుకు నియోజకవర్గ ఇంచార్జి జయ శ్రీకాంత్  అభినందించారు. బీసీ సేన బడుగు, బలహీన వర్గాలకు న్యాయం అందించేందుకు బలమైన పోరాటం చేస్తుందని, అన్ని వర్గాలకు సంపూర్ణ న్యాయం అందించడమే లక్ష్యంగా ముందుకు సాగుతుందని నాయకులు స్పష్టం చేశారు. ఈ కార్యక్రమంలో బీసీ సేన షాద్ నగర్ సోషల్ మీడియా ఇన్ఛార్జ్  గిరిబాబు, అసెంబ్లీ యువజన అధ్యక్షుడు పాలది శీను , కోరు కమిటీ సభ్యులు చిన్న బాల్రాజ్ తదితరులు పాల్గొన్నారు.