ఉన్నత పాఠశాలలో పోషకాహార కార్యక్రమం ప్రారంభం

షాబాద్,(రంగారెడ్డి): షాబాద్ మండలంలోని హైతాబాద్‌ ఉన్నత పాఠశాలలో బుధవారం ఉదయపు పోషకాహార కార్యక్రమ ప్రారంభోత్సవం ఘనంగా జరిగింది. ఈ కార్యక్రమానికి జిల్లా గ్రంథాలయ సంస్థ ఛైర్మన్ మధుసూదన్ రెడ్డి, తెలంగాణ ప్రభుత్వ ప్రముఖులు, అమెజాన్ ఇండియా ప్రతినిధులు మన్నగర్ క్రాంగ్ లేవైస్, తాతాజీ,అన్నపూర్ణ ట్రస్ట్ ఆశిష్ భారత్వజ్, శ్రీకాంత్ ఊటూరి, విద్యాశాఖ అధికారి డిఇఓ వెంకటేశ్వరరావు హాజరయ్యారు. పాఠశాల విద్యార్థులు స్వాగత నృత్యంతో అతిథులకు స్వాగతం పలికారు.ఈ సందర్భంగా వారు మాట్లాడుతూ, _"ఈరోజు ఇది కేవలం కార్యక్రమ ప్రారంభం కాదు. ఏ పిల్లవాడు కూడా ఖాళీ కడుపుతో పాఠశాలకు రాకూడదు అనే ఉమ్మడి ఆశయానికి ఇది నిదర్శనం"_ అని పేర్కొన్నారు.షాబాద్ మండలంలోని ఒక పాఠశాల ఉపాధ్యాయురాలు చెప్పిన మాటలను ఉదహరిస్తూ _"గతంలో పిల్లల కోసం మేము ఎదురుచూసేవాళ్లం. ఇప్పుడు పిల్లలు పాఠశాల గేటు తెరవడం కోసం ఎదురుచూస్తున్నారు"_ అని తెలిపారు. ఉదయపు పోషకాహారం అందడం వల్ల పిల్లల హాజరు, క్రమశిక్షణ, తరగతుల్లో శ్రద్ధ గణనీయంగా పెరిగిందని వివరించారు.*ఒక దశాబ్ద కాల ప్రయాణం ఒక దశాబ్దానికి పైగా కొద్దిమంది పిల్లలతో ప్రారంభమైన ఈ ఉద్యమం నేడు దేశవ్యాప్తంగా విస్తరించింది. ప్రస్తుతం దేశంలోని 25 రాష్ట్రాలు, 4 కేంద్రపాలిత ప్రాంతాల్లో ప్రతిరోజూ 1 కోటికి పైగా  ప్రభుత్వ పాఠశాల పిల్లలకు శ్రీ సత్య సాయి అన్నపూర్ణ ట్రస్ట్ ద్వారా ఉదయపు పోషకాహారం అందుతోందని ఆయన తెలిపారు.

డిసెంబర్ 2022లో అమెజాన్ ఇండియా తన *ఏ డబ్ల్యూ ఎస్ ఇన్ కమ్యూనిటీస్* చొరవ ద్వారా అన్నపూర్ణ ట్రస్ట్‌తో చేతులు కలిపి రంగారెడ్డి జిల్లాలో ఈ కార్యక్రమాన్ని ప్రారంభించింది.ఈ భాగస్వామ్యంతో రంగారెడ్డి జిల్లాలో దాదాపు *8,600 మంది పిల్లలు* లబ్ధి పొందుతున్నారు. 2022 నుండి ఇప్పటివరకు *50 లక్షలకు పైగా* పోషకాహార అల్పాహారాలు పంపిణీ చేశామని వెల్లడించారు. ఇది కేవలం గణాంకం కాదు, ఆరోగ్యం, గౌరవం, ఆశతో పిల్లలు రోజును ప్రారంభించడానికి లభించిన 50 లక్షల అవకాశాలని ఆయన అన్నారు.

2023 నుండి తెలంగాణ ప్రభుత్వం ఉదయపు పోషకాహార కార్యక్రమాన్ని బలోపేతం చేసి, మిల్లెట్ ఆధారిత పోషకాహారాన్ని ప్రోత్సహిస్తోందని ప్రశంసించారు.ప్రభుత్వ-ప్రైవేట్-సామాజిక భాగస్వామ్యానికి తెలంగాణ ఒక ఆదర్శ నమూనాగా నిలిచిందని, ఇతర రాష్ట్రాలు దీనిని అనుసరిస్తున్నాయని పేర్కొన్నారు.సామాజిక ప్రభావ అధ్యయనం ప్రకారం అన్నపూర్ణ ఉదయపు పోషకాహార కార్యక్రమంలో పెట్టిన ప్రతి *₹1* కు *₹19.20* సామాజిక విలువ లభిస్తోందని, ఇది మెరుగైన ఆరోగ్యం, విద్యా ఫలితాలు, దీర్ఘకాలిక ప్రయోజనాల రూపంలో వెలువడుతోందని తెలిపారు.*"పోషణ అంటే దానం కాదు, పెట్టుబడి" ట్రస్ట్ వ్యవస్థాపకులు *సద్గురు మధుసూదన్ సాయి* మాటలను ఉటంకిస్తూ "మనం చేయగలిగే ఉత్తమ పెట్టుబడి భవనాల్లో లేదా యంత్రాల్లో కాదు, పిల్లల్లో ఉంది" అని అన్నారు. పోషణ అనేది కేవలం ఆహారం గురించి కాదు, అది విద్య, ఆరోగ్యం, సమానత్వం మరియు దేశ నిర్మాణానికి సంబంధించినదని స్పష్టం చేశారు.*100 పడకల ఉచిత ఆసుపత్రి కోసం విజ్ఞప్తి ఈ కార్యక్రమంలో జిల్లా గ్రంథాలయ సంస్థ ఛైర్మన్మధుసూదన్ రెడ్డి మాట్లాడుతూ... షాబాద్ మండల ప్రజల ఆరోగ్య అవసరాలను దృష్టిలో ఉంచుకుని *అన్నపూర్ణ ట్రస్ట్, అమెజాన్ ఏ డబ్ల్యూ ఎస్ సి ఎస్ ఆర్ సంస్థ* సహకారంతో *100 పడకల ఉచిత ఆసుపత్రిని* ఏర్పాటు చేయాలని విజ్ఞప్తి చేశారు. ఈ ప్రతిపాదనను సద్గురు మధుసూదన్ సాయి దృష్టికి తీసుకెళ్లేందుకు తాను స్వయంగా *కర్ణాటకలోని ముద్దెనహళ్లి*కి వెళ్లి కలిసేందుకు సిద్ధంగా ఉన్నానని ఆయన తెలిపారు."ఏ పిల్లవాడు కూడా ఆకలితో పాఠశాలకు వెళ్లకూడదు"అనే లక్ష్యం సాధించే వరకు కృషి కొనసాగుతుందని ఆయన పునరుద్ఘాటించారు. ఈ కార్యక్రమంలో డిఇఓ వెంకటేశ్వర్ రావు,ఎంఈఓ లక్ష్మణ్ నాయక్ ,గుడిమల్కాపూర్ మార్కెట్ వైస్ చైర్మన్ కావలి చంద్రశేఖర్, పాఠశాల ప్రిన్సిపల్ వసంత,సర్పంచులు శాంతమ్మ యాదయ్య , సర్పంచుల సంఘం అధ్యక్షుడు ప్రభాకర్ రెడ్డి ,నర్సింలు ,సబితా గోవర్ధన్ రెడ్డి ,నవనీత స్వామి, విష్ణు వర్ధన్ రెడ్డి,నాయకులు, ఉపాధ్యాయులు,విద్యార్థులు పాల్గొన్నారు.