సీఎం రేవంత్ రెడ్డి బహిరంగ సభను విజయవంతం చేయాలి.

గంభీరావుపేట : ఈ నెల 30 న సిరిసిల్ల బైపాస్ గ్రౌండ్ లో జరిగే సీఎం రేవంత్ రెడ్డి భారీ బహిరంగ సభకు పెద్ద ఎత్తున తరలివెళ్లి జయప్రదం చేయాలని కాంగ్రెస్ పార్టీ రాష్ట్ర నాయకులు పర్శ హన్మాండ్లు ప్రజలకు పిలుపునిచ్చారు, గురువారం గంభీరావుపేట మండలం  శ్రీగాథ గ్రామం లో జూరుకంటి కరుణకు 60 వేయిలు, బందెల బాల లక్ష్మి కీ 41 వేయిలు ,వేముల రమేష్ గౌడ్ కు 20 వేయిలు ,మొత్తం లక్షా ఇరవై ఒక వేల రూపాయల సీఎంఆర్ఎఫ్ చెక్కులను ముగ్గురు లబ్ధిదారులకు పంపిణీ చేసారు.అనంతరం పర్శ హన్మాండ్లు మాట్లాడుతూ సీఎంఆర్ఎఫ్ పేదల పాలిట ఒక వరం అని నిరుపేదలు అందరూ దీనిని సద్వినియోగం చేసుకోవాలని కోరారు,అలాగే రాజీవ్ ఆరోగ్య శ్రీ పథకం ప్రభుత్వ,ప్రైవేట్ చిన్న ,పెద్ద అన్ని రకాల హాస్పిటల్ లలో పది లక్షల రూపాయల తో అమలు చేస్తున్నారని దీనిని ప్రజలు గమనించాలని, అన్నారు,కాంగ్రెస్ ప్రభుత్వం ఎన్నికలలో ఇచ్చిన హామీలలో మహిళలకు ఉచిత బస్ సౌకర్యం,ఇందిరమ్మ ఇండ్లు సన్నబియ్యం పంపిణీ,రైతు రుణమాఫీ వంటి పథకాలను నెరవేర్చడం జరిగిందని తెలిపారు,ఈ నెల 30 న ముఖ్యమంత్రి రేవంత్ రెడ్డి సిరిసిల్ల జిల్లాకు రావడం జిల్లా ప్రజల అదృష్టమని పర్శ హన్మాండ్లు అన్నారు, జిల్లాలో పెండింగ్ సమస్యలు పరిష్కారంకు నోచుకుంటాయని ఆయన పేర్కొన్నారు, ఈ సమావేశంలో కాంగ్రెస్ పార్టీ గ్రామ కమిటీ అధ్యక్షుడు బందెల రాజు,ఇందిరమ్మ కమిటీ సభ్యులు వేముల శ్రీనివాస్ గౌడ్,తొండ్ల దేవేంద్ర నర్సింలు,నాయకులు పర్శ శ్రీనివాస్,తొండ్ల ప్రసాద్,వేముల రమేష్ గౌడ్,వేముల గంగా గౌడ్,ఏవన్ తదితరులు పాల్గొన్నారు.