నాంపల్లి: చిన్నపాటి వర్షానికే నాంపల్లి పట్టణంలోని ప్రధాన రహదారులు, వీధులు చెరువులను తలపిస్తున్నాయి. కొద్దిసేపు వర్షం కురిసినా రోడ్లపై భారీగా నీరు నిలిచిపోవడంతో ప్రజలు, వాహనదారులు తీవ్ర ఇబ్బందులు ఎదుర్కొంటున్నారు.సరైన డ్రైనేజీ వ్యవస్థ లేకపోవడం, ఉన్న కాలువల్లో పూడిక పేరుకుపోవడం, వర్షపు నీరు వెళ్లేందుకు తగిన మార్గాలు లేకపోవడంతో ఈ పరిస్థితి ఏర్పడుతోందని స్థానికులు వాపోతున్నారు. వర్షం పడిన ప్రతిసారీ రోడ్లపై నీరు నిలిచే పరిస్థితి నెలకొంటోందని ప్రజలు చెబుతున్నారు. దీంతో ద్విచక్ర వాహనదారులు, పాదచారులు తీవ్ర ఇబ్బందులు పడుతున్నారు. రోడ్లపై గుంతలు నీటిలో కనిపించకపోవడంతో వాహనదారులు ప్రమాదాలకు గురయ్యే అవకాశం ఉందని ఆందోళన వ్యక్తం చేస్తున్నారు.డ్రైనేజీ కాలువలు సక్రమంగా లేకపోవడంతో నీరు రోడ్లపైనే నిలిచిపోతోంది. కొన్ని చోట్ల కాలువలు మురుగు, చెత్తాచెదారంతో నిండిపోవడంతో వర్షపు నీరు ముందుకు వెళ్లే పరిస్థితి లేకుండా పోయింది. దీంతో వర్షం తగ్గిపోయిన తర్వాత కూడా రోడ్లపై నీరు చాలా సేపు నిలిచిపోతుండటంతో ప్రజలు ఇబ్బందులు పడుతున్నారు. నీటిలో రోడ్డు గుంతలు కనిపించకపోవడంతో వాహనాలు అదుపుతప్పే ప్రమాదం ఉందని వాహనదారులు చెబుతున్నారు. ముఖ్యంగా ద్విచక్ర వాహనదారులు అప్రమత్తంగా ప్రయాణించాల్సిన పరిస్థితి నెలకొంది. పాదచారులు రోడ్డు పక్కన నడవడానికి కూడా ఇబ్బందులు పడుతున్నారు. అధికారులు నిత్యం అదే రోడ్డు గుండా ప్రయాణిస్తుంటారు.కానీ ఏమి పట్టనట్టుగా వెళ్ళిపోతుంటారు. ప్రతి వర్షాకాలంలో ఇదే సమస్య పునరావృతమవుతున్నప్పటికీ శాశ్వత పరిష్కారం చూపడం లేదని స్థానికులు ఆవేదన వ్యక్తం చేస్తున్నారు. వర్షపు నీరు సాఫీగా వెళ్లేలా డ్రైనేజీ కాలువలను పూర్తిస్థాయిలో శుభ్రం చేయడంతో పాటు అవసరమైన చోట్ల కొత్త కాలువలు నిర్మించాలని కోరుతున్నారు. రోడ్లపై ఉన్న గుంతలను పూడ్చి, నీరు నిలిచిపోకుండా రోడ్ల నిర్మాణాన్ని మెరుగుపరచాలని డిమాండ్ చేస్తున్నారు. చిన్నపాటి వర్షానికే రోడ్లు చెరువులను తలపించే పరిస్థితికి శాశ్వత పరిష్కారం చూపాలని ప్రజలు కోరుతున్నారు. సంబంధిత అధికారులు నాంపల్లి పట్టణంలోని సమస్యాత్మక ప్రాంతాలను పరిశీలించి, వర్షపు నీటి పారుదలకు సమగ్ర ప్రణాళిక రూపొందించి చర్యలు చేపట్టాలని స్థానికులు విజ్ఞప్తి చేస్తున్నారు.
.jpeg)
