బాన్సువాడ లో కేటీఆర్ దిష్టిబొమ్మ దగ్ధం చేసిన కాంగ్రెస్ యూత్ నాయకులు.

బాన్సువాడ:  బాన్సువాడ మండల కేంద్రంలో శుక్రవారం కేటీఆర్ దిష్టిబొమ్మ దగ్ధం చేసిన యూత్ కాంగ్రెస్ నాయకులు. తెలంగాణ రాష్ట్ర యూత్ కాంగ్రెస్ అధ్యక్షులు జక్కిడి శివ చరణ్ రెడ్డి  ఆదేశాను సారం  తెలంగాణ రాష్ట్ర యూత్ కాంగ్రెస్ ఇన్చార్జి సయ్యద్ కాలేక్ ఆదేశాల మేరకు కామారెడ్డి జిల్లా యువజన కాంగ్రెస్ అధ్యక్షులు మధుసూదన్ రెడ్డి  సూచనల మేరకు బాన్సువాడ నియోజకవర్గం లోని అంబేద్కర్ చౌరస్తా వద్ద యూత్ కాంగ్రెస్ నియోజకవర్గ అధ్యక్షులు సయ్యద్ మన్సూర్  ఆధ్వర్యం లో కాంగ్రెస్ పార్టీ అగ్రనేత రాహుల్ గాంధీ పై, అలాగే తెలంగాణ రాష్ట్ర ముఖ్యమంత్రి ఎనుముల. రేవంత్ రెడ్డి పై అహంకారపూరితం గా అవమానకరంగా మాట్లాడిన బీఆర్ఎస్ వర్కింగ్ ప్రెసిడెంట్ కేటీఆర్ వ్యాఖ్యలను తీవ్రంగా ఖండిస్తూ, యూత్ కాంగ్రెస్ ఆధ్వర్యంలో నిరసన కార్యక్రమం నిర్వహించారు. ఈ సందర్భం గా కేటీఆర్ చేసిన అనుచిత వ్యాఖ్యలకు నిరసనగా కేటీఆర్ దిష్టిబొమ్మను దగ్ధం చేసి తమ ఆగ్రహాన్ని వ్యక్తం చేశారు. దేశ ప్రజాస్వామ్యానికి మార్గదర్శకు లైన రాహుల్ గాంధీ పై, అలాగే ప్రజల ఆశీర్వాదంతో ముఖ్యమంత్రి పదవి చేపట్టిన రేవంత్ రెడ్డి పై ఇలాంటి అహంకార పూరిత వ్యాఖ్యలు చేయడం బీఆర్ఎస్ నాయకులకు తగదని యూత్  కాంగ్రెస్ నాయకులు ఆగ్రహం వ్యక్తం చేశారు. యూత్ కాంగ్రెస్ నాయకులు మాట్లాడుతూ. ప్రజా సమస్య లను పక్కన పెట్టి వ్యక్తిగత విమర్శలతో రాజకీయాలు చేయడం కేటీఆర్‌ కు అలవాటుగా మారిందని విమర్శించారు. కాంగ్రెస్ పార్టీ ప్రజల కోసం పనిచేస్తుంటే, బీఆర్ఎస్ నాయకులు నిరాధార ఆరోపణలు, అహంకార వ్యాఖ్యలతో ప్రజలను తప్పుదోవ పట్టించే ప్రయత్నం చేస్తున్నారని అన్నారు ఇలాంటి వ్యాఖ్యలకు వెంటనే కేటీఆర్ ప్రజలకు క్షమాపణ చెప్పాలని డిమాండ్ చేశారు. ప్రజాస్వామ్యంలో గౌరవం, బాధ్యతతో మాట్లాడాల్సిన అవసరం ప్రతి రాజకీయ నాయకుడి పై ఉందని, లేదంటే ప్రజా ఉద్యమాలు మరింత ఉధృతం చేస్తామని యూత్ కాంగ్రెస్ నాయకులు హెచ్చరించారు. ఈ కార్యక్రమం లో యూత్ కాంగ్రెస్ నియోజకవర్గ సోషల్ మీడియా కో కోఆర్డినేటర్ తిరుమల రెడ్డి, అబ్దుల్ మొయిస్, సోషల్ మీడియా కన్వీనర్ సయ్యద్ ఇలియాస్, యువ నాయకులు సయ్యద్ గౌస్, అతిక్, రఫత్, భూపతి, ఎజాజ్, ఫేజ్, అహ్మద్ నాయకులు, కార్యకర్తలు పాల్గొని నిరసన కార్యక్రమాన్ని విజయవంతం చేశారు.