ఆదివాసీ సంఘాల ఆధ్వర్యంలో తహశీల్దార్ కు వినతి పత్రం

వెంకటాపురం :  ములుగు జిల్లా, వెంకటాపురం మండల కేంద్రము లోని రెవెన్యూ కార్యాలయం లో మంగళవారం ఆదివాసి సంఘాల నాయకులు, తెలంగాణ భూమిపుత్ర ఆదివాసి సంఘ రాష్ట్ర అధ్యక్షులు పూనెం రామచంద్ర రావు, గోండ్వానా సంక్షేమ పరిషత్ రాష్ట్ర ప్రధాన కార్యదర్శి పూనెం  సాయి , తుడుం దెబ్బ జిల్లా ఉపాధ్యక్షులు సిద్ధబోయిన సర్వేశ్వరరావు , గోండ్వాన సంక్షేమ పరిషత్ జిల్లా  అధ్యక్షుడు పూనెం  ప్రతాప్, తుడుం దెబ్బ జిల్లా కార్యదర్శి కూచింటి చిరంజీవి ,తుడుం దెబ్బ జిల్లా ప్రధాన కార్యదర్శి చింత సోమరాజు ఆధ్వర్యంలో  తహశీల్దార్ మేడ వేణు గోపాల్ వినతి పత్రం సమర్పించారు.ఈ సందర్భంగా మాట్లాడుతూ ఏజెన్సీ ప్రాంతమైన వెంకటాపురం మండలంలో గిరిజన సహకార సంఘాల సొసైటీలకు ఒంటిచింతలగూడెం, అబ్బాయి గూడెం, మొర్రవానిగూడెం,  వీరభద్రవరం గ్రామాలకు ఇసుక క్వారీలు మంజూరు అనేవి ,పీసా చట్ట నిబంధన ప్రకారం స్థానిక ఆదివాసులకు ఉపాధి కల్పించాలని, బైలా నిబంధనలు తెలుపుతున్న అందుకు విరుద్ధంగా రేజింగ్ కాంట్రాక్టర్లు అధికారుల అండదండలతో పట్టపగలే భారీ యంత్రాలతో ఇసుకను నిబంధనకు విరుద్ధంగా డంపు చేస్తున్నారు అట్టి విషయంపై సంబంధిత అధికారులకు పలుమార్లు ఫిర్యాదు చేసినప్పటికీ స్పందించట్లేదు స్థానికంగా రెవెన్యూ అధికారులు నిద్ర వ్యవస్థలో ఉండడం వల్లనే అక్రమ గ్రావెల్ గాని అక్రమ ఇసుక డంపింగ్ గాని నిర్వహిస్తున్నారని వారు ఆరోపించారు గిరిజన సహకార సొసైటీలకు మంజూరైన ఇసుక క్వారీలను బైల ప్రకారం నిర్వహించే విధంగా జిల్లా కలెక్టర్ గారు చర్యలు తీసుకోవాలని అలాగే చట్టాన్ని ఉల్లంఘించి అక్రమంగా ఇసుకను డంపింగ్ చేస్తున్న ఇసుక కోరీలపై విచారించి తక్షణమే రద్దు చేయాలని డిమాండ్ చేశారు. అధికారులు స్పందించని పక్షాన ఆదివాసి సంఘాల  నుండి అక్రమ ఇసుక క్వారీలను అడ్డుకుంటామని వారన్నారు ఈ కార్యక్రమంలో తాటి లక్ష్మణరావు పూనెం మునేశ్వరరావు, రామచంద్ర ప్రసాద్ తదితరులు పాల్గొన్నారు