ములుగు/మంగపేట : వర్షాకాలం ప్రారంభమైన నేపథ్యంలో దోమల సంఖ్య పెరిగి డెంగ్యూ, మలేరియా, చికున్గున్యా వంటి సీజనల్ వ్యాధులు వ్యాపించే ప్రమాదం అధికంగా ఉందని బీఆర్ఎస్ పార్టీ మంగపేట మండల మాజీ సోషల్ మీడియా ఇంచార్జ్ గుడివాడ శ్రీహరి ఆందోళన వ్యక్తం చేశారు. ఈ సందర్భంగా ఆయన మాట్లాడుతూ, మంగపేట మండలంలోని గ్రామాల్లో ఇప్పటికీ దోమల మందు పిచికారీ చేపట్టకపోవడం ప్రజల అనారోగ్య బారిన పడతారని అన్నారు "ప్రజారోగ్యాన్ని కాపాడాల్సిన బాధ్యత ప్రభుత్వంపై, సంబంధిత అధికారులపై ఉంది. వెంటనే స్పందించి అన్ని గ్రామాల్లో దోమల మందు పిచికారీ చేపట్టడంతో పాటు పారిశుద్ధ్య చర్యలను ముమ్మరం చేయాలి. ప్రజల ఆరోగ్యంతో నిర్లక్ష్యంగా వ్యవహరించవద్దు. వెంటనే చర్యలు తీసుకోవాలి" అని గుడివాడ శ్రీహరి డిమాండ్ చేశారు. వర్షాకాలంలో నిల్వ ఉండే నీరు, మురుగు కాలువల వల్ల దోమలు విపరీతంగా పెరుగుతు న్నాయని, పంచాయతీలు, ఆరోగ్య శాఖ అధికారులు సంయుక్తంగా ప్రత్యేక డ్రైవ్ నిర్వహించాలని ఆయన సూచించారు.
.jpeg)
