కోరుట్ల : జగిత్యాల జిల్లా కోరుట్ల పట్టణంలో గల ప్రభుత్వ జూనియర్ కళాశాల మైదానంలో క్రీస్తు శేషులు స్వర్గీయ జువ్వాడి రత్నాకర్ రావు జ్ఞాపకార్థంగా ఏర్పాటు చేసిన కోరుట్ల ప్రీమియర్ క్రికెట్ లీగ్ క్రికెట్ టోర్నీ ని జగిత్యాల నియోజకవర్గ సభ్యులు డాక్టర్ యం.సంజయ్ కుమార్, జిల్లా కాంగ్రెస్ కమిటీ అధ్యక్షులు గాజంగి నందయ్య, కోరుట్ల నియోజకవర్గ కాంగ్రెస్ పార్టీ ఇంచార్జ్ జువ్వాడి నర్సింగరావు, కాంగ్రెస్ పార్టీ సీనియర్ నాయకులు జువ్వాడి శేఖర్ రావు, జిల్లా సుపరెండెంట్ ఆఫ్ పోలీస్ అశోక్ కుమార్, జగిత్యాల మాజీ మున్సిపల్ చైర్ పర్సన్ ఆడువాల జ్యోతి లక్ష్మణ్ లతో కలిసి తెలంగాణ రాష్ట్ర సంక్షేమ శాఖ మంత్రి అడ్లూరి లక్ష్మణ్ కుమార్ ప్రారంభించారు. ఈ సందర్భంగా ఏర్పాటు చేసిన సమావేశంలో మంత్రి అడ్లూరి లక్ష్మణ్ కుమార్ మాట్లాడుతూ క్రీడలు యువతలో శారీరక దృఢత్వంతో పాటు క్రమ శిక్షణ సమన్వయం నాయకత్వ లక్షణాలను పెంపొందిస్తాయన్నారు. కోరుట్ల ప్రీమియర్ క్రికెట్ క్రికెటర్ టోర్నీ వంటి పోటీలు గ్రామీణ స్థాయి క్రీడా ప్రతిభను వెలికితీయడంలో ఎంతో దోహదపడతాయని పేర్కొన్నారు. క్రీస్తు శేషులు జువ్వాడి రత్నాకర్ రావు జ్ఞాపకార్థంగా ఏర్పాటు చేసిన ఇట్టి క్రికెట్ టోర్నీ ని నిర్వహించడం అభినందనీయమని తెలిపారు. యువత చదువుతో పాటు క్రీడల్లోనూ ముందుకు సాగాలని క్రీడాకారులకు రాష్ట్ర ప్రభుత్వం అన్ని విధాలా సహకరిస్తుందని మంత్రి భరోసా ఇచ్చారు. క్రీడలకు రాష్ట్ర ముఖ్యమంత్రి రేవంత్ రెడ్డి సారథ్యంలో కాంగ్రెస్ పార్టీ ప్రజా ప్రభుత్వం ప్రాధాన్యత ఇస్తుందన్నారు. కోరుట్ల జగిత్యాల క్రీడాకారుల సౌకర్యార్థం క్రీడా ప్రాంగణాలను ఏర్పాటు చేయడానికి కృషి చేస్తామన్నారు. అలాగే ఇటీవల కోరుట్ల క్రీడాకారుల కోసం క్రీడామైదానం కొరకు ప్రభుత్వం అనుమతులు ఇచ్చిందని త్వరలోనే నిధులు మంజూరు చేయించి క్రీడా మైదానం అభివృద్ధి కోసం కృషి చేస్తానన్నారు. అనంతరం జగిత్యాల ఎమ్మెల్యే డాక్టర్ యం సంజయ్ కుమార్ మాట్లాడుతూ ఇంత మంచి కార్యక్రమాన్ని ఏర్పాటు చేసిన జువ్వాడి బ్రదర్స్ కు క్రీడల పట్ల ఉన్న చిత్తశుద్ధి ఇందుకు నిదర్శనం అన్నారు. జగిత్యాల నియోజకవర్గంలో జిల్లా కేంద్రంలో క్రీడా మైదానం కొరకు పది ఎకరాల స్థలాన్ని చూపించడం జరిగిందని, అట్టి స్థలాన్ని మంజూరు చేయించి క్రీడా మైదానం ఏర్పాటు కోసం కృషి చేయాలని మంత్రి లక్ష్మణ్ కుమార్ ని కోరారు. క్రీడల వల్ల శారీరక దృఢత్వం మానసిక ఉల్లాసం నూతన పరిచయాలు ఏర్పడతాయన్నారు డ్రగ్స్ నియంత్రణ కొరకు కాంగ్రెస్ పార్టీ ప్రజా ప్రభుత్వం ఏర్పాటు చేసి డ్రగ్స్ గంజాయి రహిత రాష్ట్రంగా ఏర్పాటు చేయడానికి డిజిపి ఆధ్వర్యంలో పోలీసు అధికారులు చేస్తున్న కృషి అభినందనీయం అన్నారు. అనంతరం జువ్వాడి నర్సింగరావు మాట్లాడుతూ జిల్లా సుపరెండెంట్ ఆఫ్ పోలీస్ అశోక్ కుమార్ గంజాయి డ్రగ్స్ రహిత జిల్లాగా జగిత్యాల ను ఏర్పాటు చేసేందుకు గంజాయి డ్రగ్స్ నిర్మూలన కోసం కోరుట్ల నియోజకవర్గ పోలీసులు చేస్తున్న కృషి అభినందనీయం అన్నారు. శాంతి భద్రతల పరిరక్షణలో కోరుట్ల పోలీసుల కృషి అభినందన మైనది అని, కోరుట్ల అన్ని రంగాల్లో అభివృద్ధి చెందింది అంటే అది కేవలం స్వర్గీయ జువ్వాడి రత్నాకర్ రావు చేసిన అభివృద్ధి తప్ప గడచిన పది సంవత్సరాలలో టిఆర్ఎస్ పార్టీ చేసిన అభివృద్ధి శూన్యమని, క్రీడాకారుల కోసం క్రీడా మైదానం కావాలని కోరగా ఇట్టి విషయాన్ని ముఖ్యమంత్రి రేవంత్ రెడ్డి దృష్టికి తీసుకెళ్లి క్రీడా మైదానం కొరకు స్థలం ఏర్పాటు చేయడం జరిగిందని, క్రీడా మైదానం అభివృద్ధి కోసం నిధులు మంజూరు అయ్యే విధంగా ముఖ్యమంత్రి దృష్టికి తీసుకెళ్లి నిధులు మంజూరు చేయాలని, మంత్రి లక్ష్మణ్ కుమార్ ని కోరారు. సానుకూలంగా స్పందించిన మంత్రి లక్ష్మణ్ కుమార్ తప్పకుండా నిధుల మంజూరుకు కృషి చేస్తానన్నారు. క్రికెట్ అంటే క్రేజ్ అధికంగా పెరిగిందని అందులో భాగంగానే ఐపీఎల్ మాదిరిగానే కోరుట్లలో కేపీఎల్ టోర్నమెంట్ను ఏర్పాటు చేయడం జరుగుతుందని ఇటీవల ఐపీఎల్ కు సెలెక్ట్ అయిన అమన్ కుమార్ ను స్ఫూర్తిగా తీసుకొని క్రీడాకారులు తమ క్రీడా ప్రతిభను కనబడుచుకోవాలన్నారు. నియోజకవర్గ అభివృద్ధి కోసం ఐదు కోట్ల స్పెషల్ డెవలప్మెంట్ ఫండ్ నిధులు మంజూరు చేయించాలని మంత్రి లక్ష్మణ్ కుమార్ ని జువ్వాడి నర్సింగరావు కోరారు. తల్లిదండ్రులు తమ పిల్లలు గంజాయి డ్రగ్స్ వంటి మత్తు పదార్థాలకు బానిస కాకుండా ప్రత్యేక శ్రద్ధ కనబరచాలని సూచించారు. కోరుట్ల నియోజకవర్గంలో డ్రగ్స్ గంజాయి కొరకు కృషి చేస్తున్న పోలీసు అధికారులను అభినందించారు
జగిత్యాల జిల్లాలో ఐదు మున్సిపాలిటీలు ఉన్నాయని ముఖ్యంగా కోరుట్ల నియోజకవర్గంలో రెండు మున్సిపాలిటీలు ఉన్నాయని రాబోయే మున్సిపల్ ఎన్నికల్లో కాంగ్రెస్ పార్టీ జెండా ఎగరవేసి మంత్రి లక్ష్మణ్ కుమార్ కు కానుకగా ఇద్దామన్నారు. జిల్లా కాంగ్రెస్ కమిటీ అధ్యక్షులు నందయ్య మాట్లాడుతూ క్రీడలతో ఉత్సాహం శారీరకద్రత్వం పెరుగుతుందని స్నేహభావం పొందుతుందన్నారు. తాను కూడా ఒకప్పటి వాలీబాల్ క్రీడాకారుడను అన్న విషయాన్ని గుర్తు చేశారు. జిల్లా ఎస్పీ అశోక్ కుమార్ మాట్లాడుతూ యువతను డ్రగ్స్ గంజాయి వంటి మత్తు పదార్థాలకు బానిస కాకుండా క్రీడలతో మానసిక శారీరక దృఢత్వం పెంపొందుతుందని నూతన పరిచయాలు ఏర్పడతాయని తెలిపారు. యువత క్రీడల వైపు మొగ్గు చూపాలని డ్రగ్స్ గంజాయి వంటి మత్తు పదార్థాలకు దూరంగా ఉండాలని ,గంజాయి డ్రగ్స్ వంటి మత్తు పదార్థాల కేసులతో జీవితాలు అతలాకుతలం అవుతాయని కావున యువత మంచి మార్గాన్ని ఎంచుకొని ముందుకు సాగాలని కోరారు ఈ కార్యక్రమంలో మంత్రి లక్ష్మణ్ కుమార్ తో పాటు, జగిత్యాల ఎమ్మెల్యే డాక్టర్ యం సంజయ్ కుమార్, కోరుట్ల నియోజకవర్గ కాంగ్రెస్ పార్టీ ఇంచార్జ్ జువ్వాడి నర్సింగరావు, జిల్లా కాంగ్రెస్ కమిటీ అధ్యక్షులు గాజంగి నందయ్య, కాంగ్రెస్ పార్టీ సీనియర్ నాయకులు జువ్వాడి శేఖర్ రావు, జగిత్యాల మాజీ మున్సిపల్ చైర్ పర్సన్ అడువాల జ్యోతి లక్ష్మణ్, జిల్లా సుపరెండెంట్ ఆఫ్ పోలీస్ అశోక్ కుమార్, మెట్ పల్లి డివిజన్ పోలీస్ అధికారి రాములు, కోరుట్ల పట్టణ కాంగ్రెస్ పార్టీ అధ్యక్షులు తిరుమల గంగాధర్, కోరుట్ల మాజీ మున్సిపల్ చైర్మన్ శీలం వేణుగోపాల్, కాంగ్రెస్ పార్టీ సీనియర్ నాయకులు అన్నం అనిల్, స్థానిక కౌన్సిలర్ జిందం లక్ష్మీనారాయణ, కోరుట్ల ప్రెస్ క్లబ్ అధ్యక్షులు ముక్కెర చంద్రశేఖర్, క్రీడా నిర్వాహకులు కాంగ్రెస్ పార్టీ వివిధ హోదాల నాయకులు కార్యకర్తలు క్రీడాకారులు పోలీస్ అధికారులు సిబ్బంది తదితరులు పాల్గొన్నారు.
About The Author
.jpeg)
