.jpg)
అకడమిక్ ప్రతిష్ఠను మరింత బలోపేతం చేయాలి : తెలంగాణ ఉన్నత విద్యా మండలి చైర్మన్ ప్రొఫెసర్ వి. బాలకిష్టా రెడ్డి
హైదరాబాద్ : తెలంగాణ ఉన్నత విద్యా మండలి (టీజీ. సి ఎఫ్ ఐ.) తెలంగాణ రాష్ట్రంలోని ప్రభుత్వ విశ్వ విద్యాలయాల ప్రయోజనార్థం, తొలిసారిగా జాతీయ స్థాయిలో నేషనల్ ఇన్స్టిట్యూషనల్ ర్యాంకింగ్ ఫ్రేమ్వర్క్ (నిర్ఫ్) పై ఒకరోజు వర్క్షాప్ను నిర్వహించింది. ఈ వర్క్షాప్లో రాష్ట్రంలోని ప్రభుత్వ విశ్వ విద్యాలయాల నుంచి సుమారు 50 మంది నేషనల్ ఇన్స్టిట్యూషనల్ ర్యాంకింగ్ ఫ్రేమ్వర్క్ (నిర్ఫ్) కోఆర్డినేటర్లు, నోడల్ అధికారులు పాల్గొన్నారు. ఈ కార్యక్రమాన్ని తెలంగాణ ఉన్నత విద్యా మండలి చైర్మన్, ప్రొఫెసర్ వి. బాలకిష్టా రెడ్డి ప్రారంభిస్తూ, నేషనల్ ఇన్స్టిట్యూషనల్ ర్యాంకింగ్ ఫ్రేమ్వర్క్ వంటి జాతీయ ర్యాంకింగ్ వ్యవస్థలు విశ్వ విద్యాలయాలకు నిధుల లభ్యత, అక్రెడిటేషన్ ఫలితాలు మరియు మొత్తం విద్యా నాణ్యత పెంపులో కీలక పాత్ర పోషిస్తాయని పేర్కొన్నారు. యువ రాష్ట్రంగా ఉన్న తెలంగాణ, స్వల్ప కాలంలోనే కేంద్ర సంస్థలు మరియు రాష్ట్ర విశ్వవిద్యాలయాలు నేషనల్ ఇన్స్టిట్యూషనల్ ర్యాంకింగ్ ఫ్రేమ్వర్క్ ర్యాంకింగ్స్లో చురుకుగా పాల్గొంటున్నాయని, బోధన అభ్యాస విధానాలు, సమానత్వం, విస్తరణ కార్యక్రమాల్లో రాష్ట్ర విశ్వ విద్యాలయాలకు ఉన్న బలాలను ప్రశంసిస్తూ, పరిశోధన, సైటేషన్లు, పేటెంట్లు, నిధులు పొందిన ప్రాజెక్టులు మరియు అకడమిక్ ప్రతిష్ఠను మరింత బలోపేతం చేయాల్సిన అవసరం ఉందని స్పష్టం చేశారు.
విద్యా మండలి వైస్ చైర్మన్ ప్రొఫెసర్ ఈ. పురుషోత్తం, ప్రొఫెసర్ ఎస్.కే. మహమూద్, కార్యదర్శి ప్రొఫెసర్ శ్రీరామ్ వెంకటేష్లు నేషనల్ ఇన్స్టిట్యూషనల్ ర్యాంకింగ్ ఫ్రేమ్వర్క్ ర్యాంకింగ్స్ విశ్వ విద్యాలయాల అభివృద్ధిపై చూపే ప్రభావంపై తమ అభిప్రాయాలను వెల్లడించారు. కొండా లక్ష్మణ్ తెలంగాణ రాష్ట్ర ఉద్యాన విశ్వ విద్యాలయం వైస్ చాన్స్లర్ కన్సల్టెంట్ అడ్వైజర్, డా. కె. వీరాంజనేయులు నేషనల్ ఇన్స్టిట్యూషనల్ ర్యాంకింగ్ ఫ్రేమ్వర్క్ విధానాలు, ఉత్తమ ఆచరణలు, తెలంగాణ రాష్ట్ర విశ్వవిద్యాలయాల ప్రస్తుత స్థితిగతులు మరియు ర్యాంకింగ్ మెరుగుదల వ్యూహాలపై విస్తృతంగా వివరించారు. ఉన్నత ప్రమాణాల జర్నల్స్లో పరిశోధనా ప్రచురణలు, పరిశోధన వాతావరణం బలోపేతం, అంతర్జాతీయ సహకారాలు వంటి అంశాలపై ఆయన సూచనలు చేశారు. ఇన్స్టిట్యూట్ ఆఫ్ అకడమిక్ ఎక్సలెన్స్ డైరెక్టర్ శ్రీ కె. వెంకటేష్ నేషనల్ ఇన్స్టిట్యూషనల్ ర్యాంకింగ్ ఫ్రేమ్వర్క్ డేటా మేనేజ్మెంట్పై సమగ్ర ప్రెజెంటేషన్ ఇస్తూ, డేటా అప్లోడింగ్లో పాటించాల్సిన నిబంధనలు, డూ’స్ అండ్ డోంట్’స్పై అవగాహన కల్పించారు. నేషనల్ ఇన్స్టిట్యూషనల్ ర్యాంకింగ్ ఫ్రేమ్వర్క్ ర్యాంకింగ్స్ విద్యార్థుల సంస్థ ఎంపికకు దారితీయడంలో, పరిశోధకుల చలనశీలతకు, ప్రజా విధాన రూపకల్పనకు, నిధుల కేటాయింపులకు, సంస్థల పనితీరు బెంచ్మార్కింగ్కు, అలాగే ప్రతిష్ఠాత్మక సంస్థల నుంచి విద్యార్థులు పరిశోధకులను ఆకర్షించడంలో కీలకంగా ఉంటాయని వర్క్షాప్లో స్పష్టం చేశారు.
.jpg)
ఈ కార్యక్రమంలో ఉస్మానియా విశ్వవిద్యాలయం, కాకతీయ విశ్వవిద్యాలయం, తెలంగాణ విశ్వవిద్యాలయం, మహాత్మా గాంధీ విశ్వవిద్యాలయం, పాలమూరు విశ్వవిద్యాలయం, శాతవాహన విశ్వవిద్యాలయం, వీరనారి చాకలి ఇలమ్మ మహిళా విశ్వవిద్యాలయం, జేఎన్టీయూ హైదరాబాద్, జేఎన్ఎఫ్ఏయూ, ఆర్జీయూకేటీ బాసర, సూరవరం ప్రతాపరెడ్డి తెలుగు విశ్వ విద్యాలయం, డా. బి.ఆర్. అంబేద్కర్ ఓపెన్ యూనివర్సిటీ, ప్రొఫెసర్ జయశంకర్ తెలంగాణ రాష్ట్ర వ్యవసాయ విశ్వ విద్యాలయం, కాలోజీ నారాయణరావు ఆరోగ్య శాస్త్రాల విశ్వ విద్యాలయం, శ్రీ కొండా లక్ష్మణ్ తెలంగాణ రాష్ట్ర ఉద్యాన విశ్వ విద్యాలయం, శ్రీ పీవీ నరసింహా రావు, తెలంగాణ రాష్ట్ర వెటర్నరీ విశ్వ విద్యాలయం మరియు ఐఐఐటి హైదరాబాద్ ప్రతినిధులకు, తెలంగాణ ఉన్నత విద్యా మండలి, చైర్మన్ ప్రొఫెసర్ వి. బాలకిష్టా రెడ్డి ధ్రువపత్రాలు అందజేశారు.
About The Author
Related Posts
