హైదరాబాద్ : వాజ్ పేయి నగర్ వద్ద రోడ్ అండర్ బ్రిడ్జ్ నిర్మాణానికి, సఫిల్ గూడ వద్ద పరిమిత ఎత్తు సబ్ వే నిర్మాణానికి మల్కాజ్గిరి పార్లమెంట్ సభ్యుడు ఈటల రాజేందర్, శాసనసభ్యుడు మర్రి రాజశేఖర్ రెడ్డి మంగళవారం శంకుస్థాపనలు చేశారు. ఈ కార్యక్రమంలో సికింద్రాబాద్ డివిజన్ డివిజనల్ రైల్వే మేనేజర్ డాక్టర్ ఆర్. గోపాలకృష్ణన్; సికింద్రాబాద్ డివిజన్ అదనపు డివిజనల్ రైల్వే మేనేజర్ (ఇన్ఫ్రా) కె. ముత్యాల నాయుడు; హైదరాబాద్ డివిజన్ అదనపు డివిజనల్ రైల్వే మేనేజర్ డి.ఎస్. రామారావు; దక్షిణ మధ్య రైల్వే ముఖ్య ప్రజా సంబంధాల అధికారి ఎ. శ్రీధర్; దక్షిణ మధ్య రైల్వే డిప్యూటీ జనరల్ మేనేజర్ ఉదయనాథ్ కోట్లా, ఇతర సీనియర్ రైల్వే అధికారులు పాల్గొన్నారు.
ఈ సందర్భంగా ఎంపీఈటల రాజేందర్ మాట్లాడుతూ, రూ. 87.28 కోట్ల విలువైన రెండు ముఖ్యమైన అభివృద్ధి ప్రాజెక్టులకు శంకుస్థాపన జరిగిందని అన్నారు. వాజ్పేయి నగర్లోని రోడ్ అండర్ బ్రిడ్జి సఫిల్గూడ రైల్వే స్టేషన్ సమీపంలోని లిమిటెడ్ హైట్ సబ్వే మల్కాజ్గిరి ప్రజల చిరకాల వాంఛ అని ఆయన పేర్కొన్నారు. పనులు సజావుగా, సకాలంలో పూర్తి కావడానికి ఈ ప్రాజెక్టులకు రైల్వేలే నిధులు సమకూరుస్తున్నాయని అన్నారు.అంతేకాకుండా, అండర్ బ్రిడ్జిలు, ఓవర్ బ్రిడ్జిల నిర్మాణం, ఎక్స్ప్రె స్ రైళ్ళకు స్టాప్ల ఏర్పాటు , రైలు పట్టాలపై మెరుగైన భద్రతా చర్యలు వంటి విషయాలలో తెలంగాణ ప్రజలకు అత్యుత్తమ రైలు మౌలిక సదుపాయాలను అందించడానికి అన్ని స్థాయిలలో నిరంతర ప్రయత్నాలు జరుగుతున్నాయని అన్నారు. ఎమ్మెల్యే మర్రి రాజశేఖర్ రెడ్డి మాట్లాడుతూ, వాజ్పేయి నగర్లోని ఎల్సి నంబర్ బిపి-8 వద్ద ఆర్.యు.బి నిర్మాణం రూ. 74.47 కోట్లతో మంజూరు, సఫిల్గూడ వద్ద ఎల్.హెచ్.ఎస్ రూ. 12.81 కోట్లతో చేపదుతుందని తెలిపారు. ఈ అభివృద్ధి పనులు స్థానిక ప్రజల చిరకాల కోరికని, వారికి ఎంతో ప్రయోజనకరంగా ఉంటాయని ఆయన పేర్కొన్నారు. కొత్త ఆర్.యు.బి, ఎల్హెచ్ఎస్ రోడ్డు వినియోగదారుల భద్రతను బలోపేతం చేస్తాయని గేట్ వద్ద ఎటువంటి ఆటంకం లేకుండా సజావైన ప్రయాణాన్ని కల్పిస్తాయని ఆయన పేర్కొన్నారు.
సికింద్రాబాద్ డివిజన్ డివిజనల్ రైల్వే మేనేజర్ డాక్టర్ ఆర్. గోపాలకృష్ణన్ స్వాగతొపన్యాసంలో , ప్రాజెక్ట్ వివరాలను వివరించారు. ఈ రెండు కార్యక్రమాల నిర్మాణం రోడ్డు భద్రత, సజావుగా ప్రయాణం మరియు వేచి ఉండే సమయాన్ని ఆదా చేయడం పరంగా నగర ప్రజలకు ఎంతో ప్రయోజనం చేకూరుస్తుందని ఆయన తెలియజేశారు.
About The Author
Related Posts
