తెలంగాణ విద్యా విధానం -2026 ఉపాధ్యాయుల ఆత్మగౌరవానికి గొడ్డలిపెట్టు :- బహుజన టీచర్స్ ఫెడరేషన్ (BTF)

ఆదిలాబాద్ :  తెలంగాణా విద్యా వ్యవస్థపై విద్య కమిషన్ రూపొందించిన ఎడ్యుకేషన్ పాలసీ సర్జికల్ స్ట్రైక్ చేయడమే అవుతుంది అని బహుజన టీచర్స్ ఫెడరేషన్ జిల్లా అధ్యక్షులు కాంబ్లే విజయ్ కుమార్, ప్రధాన కార్యదర్శి గడుగు మహేందర్ పత్రిక ప్రకటన ద్వారా ప్రభుత్వాన్ని విద్యా పాలసీ సిఫారసులను పునఃపరిశీలన చెయ్యాలని కోరినారు. ఈ సందర్భంగా వారు మాట్లాడుతూ తెలంగాణ విద్యా కమిషన్ (ఆకునూరి మురళి కమిటీ) సమర్పించిన నివేదికను  తీవ్రంగా ఖండిస్తున్నాము అన్నారు . ఈ నివేదిక సంస్కరణల పేరుతో ప్రభుత్వ విద్యను కార్పొరేట్ శక్తులకు ధారాదత్తం చేసే కుట్ర తప్ప మరొకటి కాదు. విద్యా వ్యవస్థను కాపాడాల్సిన కమిషనే, ఉపాధ్యాయులపై కక్ష సాధింపు ధోరణితో వ్యవహరించడం శోచనీయం అని అన్నారు. విద్యా హక్కు చట్టం ఖూనీ, 'మూడు గ్రామాలకు ఒకే బడి' అంటే అర్ధం ఏమిటి? పేద బిడ్డలను బడికి దూరం చేయడమే కదా? ఆర్ టి ఈ-2009 స్ఫూర్తిని తుంగలో తొక్కే హక్కు ఈ కమిషన్కు ఎవరిచ్చారు? ఉపాధ్యాయుల శ్రమకు వెల కడతారా? మార్కెట్ రేట్లతో ఉపాధ్యాయుల వేతనాలను పోల్చడం ద్వారా ప్రభుత్వం తన బాధ్యత నుండి తప్పుకుంటోంది. విద్యా నాణ్యత పెరగాలంటే నియామకాలు జరగాలి కానీ, కాంట్రాక్ట్ అవుట్సోర్సింగ్ పద్ధతులతో వ్యవస్థను బానిసత్వంలోకి నెట్టకూడదు అని చెప్పారు. పదోన్నతులపై గొడ్డలి పెట్టు: ఉపాధ్యాయులకు పదోన్నతులు సీనియారిటీ ద్వారా కాకుండా పారామీటర్ల ద్వారా ఇవ్వాలి అనడం అర్థరహితం మరియు సర్వీస్ రూల్స్ కు పూర్తి గా వ్యతిరేకం. దశాబ్దాల తరబడి సర్వీసులో ఉండి, హెడ్ మాస్టర్లుగా పదోన్నతి పొందాలని ఎదురుచూస్తున్న స్కూల్ అసిస్టెంట్ల ఆశలపై 100% డైరెక్ట్ రిక్రూట్మెంట్ ప్రతిపాదన నీళ్లు చల్లుతోంది. ఇది ముమ్మాటికీ ఉపాధ్యాయ వర్గానికి నష్టమే! ఆర్థిక అణచివేత ఏ ఏ ఎస్: 6/12/18/24 ఏళ్ల స్కేళ్లను బడ్జెట్ భారంగా చూడటం దుర్మార్గం. మానసిక వేధింపులు, పనివేళల పేరుతో, నివాస పరిమితుల పేరుతో ఉపాధ్యాయులను కట్టడి చేయాలనుకోవడం అప్రజాస్వామికం. సాయంత్రం 6:30 గంటల వరకు అదనపు తరగతులు నిర్వహించాలనడం, ఉపాధ్యాయులు పనిచేసే గ్రామం లేదా 15 కి.మీ పరిధిలోనే నివాసం ఉండాలన్న నిబంధనల వలన నాణ్యత పెరగదు. మౌలిక వసతులు లేని బడుల్లో ఒత్తిడి పెంచి నాణ్యమైన విద్యను ఎలా అందిస్తారు? ప్రభుత్వ కార్యాలయాలు, ప్రతిపాదన అనవసరమైన వివాదాలకు దారి తీస్తుంది.  "విద్యా కమిషన్ నివేదికను ప్రభుత్వం తక్షణమే బుట్టదాఖలు చేయాలి. ఉపాధ్యాయుల హక్కులను కాలరాస్తే ఊరుకునే ప్రసక్తే లేదు. బడుల బలోపేతం, ఉపాధ్యాయుల సంక్షేమంపై దృష్టి పెట్టకుండా మొండిగా ముందుకెళ్తే BTF ఆధ్వర్యంలో రాష్ట్రవ్యాప్త ఉ ద్యమం తప్పదని వారు హెచ్చరించారు.