ఐక్యత చాటిన ముదిరాజులు.. ఘనంగా మత్స్యకారుల దినోత్సవం, జెండా పండుగ
ముదిరాజులను బీసీ-డీ నుంచి బీసీ-ఏలో చేర్చాలి. నీలం పెద్దులు
జగిత్యాల డివిజన్ ఇంచార్జి : తెలంగాణ ముదిరాజ్ మహాసభ ఆధ్వర్యంలో జగిత్యాల పట్టణంలోని స్థానిక మంచినీళ్ల బావి వద్ద మత్స్యకారుల దినోత్సవం, ముదిరాజ్ జెండా పండుగను ఘనంగా నిర్వహించారు. జిల్లా అధ్యక్షుడు నీలం పెద్దులు ఆధ్వర్యంలో నిర్వహించిన ఈ కార్యక్రమంలో ముదిరాజ్ కులస్తులు పెద్ద సంఖ్యలో పాల్గొని ఐక్యతను చాటారు.ఈ సందర్భంగా జిల్లా అధ్యక్షుడు నీలం పెద్దులు మాట్లాడుతూ.. ముదిరాజుల చిరకాల కోరిక అయిన బీసీ-డీ నుంచి బీసీ-ఏలో చేర్చాలనే డిమాండ్ను ప్రభుత్వం నెరవేర్చాలని కోరారు. ముదిరాజ్ సామాజిక వర్గానికి న్యాయం జరిగేలా ప్రభుత్వం తమ డిమాండ్ను పరిశీలించి తగిన చర్యలు తీసుకోవాలని అన్నారు. ముదిరాజుల హక్కుల సాధన కోసం కులస్తులందరూ ఐక్యంగా ముందుకు సాగాలని పిలుపునిచ్చారు. ఈ కార్యక్రమంలో పట్టణ అధ్యక్షుడు జంగిల్ రాజేష్, కట్ట గంగాధర్, జైనపురం భీమ్, జీకురి గంగాధర్, సబ్బని లక్ష్మయ్య, కట్ట భూమయ్య, పెండల క్రాంతి, ఆరే హనుమంతు, ఎర్రవేని నవీన్ తదితరులు పాల్గొన్నారు.
About The Author
నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.


