గ్రామస్తుల ఆలోచన మేరకే ఆర్ఓబి నిర్మాణం

పెద్దపల్లి జిల్లా ఓదెల మండలం పొత్కపల్లి గ్రామంలో శుక్రవారం ప్రభుత్వ విప్ పెద్దపల్లి శాసనసభ్యులు చింతకుంట విజయ రమణారావు రైల్వే బ్రిడ్జి ఆర్ఓబి నిర్మాణం కోసం స్థలం పరిశీలించారు.పొత్కపల్లి ప్రభుత్వ పాఠశాల నుండి మార్కెట్ ల్యాండ్ ను అనుకోని గుంపుల రోడ్డుకు కనెక్టివిటీ కోసం గ్రామస్తుల అభిప్రాయం మేరకు స్థానిక నాయకులతో కలిసి స్థలాన్ని పరిశీలించారు. తదుపరి పొత్కపల్లి నుండి రూపు నారాయణపేట,కాల్వ శ్రీరాంపూర్ నుండి పొత్కపల్లి గ్రామం వరకు డబల్ రోడ్డు నిర్మాణ పనులను,ఓదెల శ్రీ మల్లికార్జున స్వామి ఆలయ ప్రాంగణంలో జరుగుతున్న సీసీ రోడ్డు పనులను పరిశీలించారు.ఈ సందర్బంగా ప్రభుత్వ విప్, పెద్దపల్లి శాసనసభ్యులు ఎమ్మెల్యే విజయరమణ రావు మాట్లాడుతూ.. పొత్కపల్లి గ్రామంలోని రైల్వే బ్రిడ్జి నిర్మాణం కోసం రైల్వే అధికారులు,ప్రజాప్రతినిధులు గ్రామస్తుల ఆలోచన మేరకు స్థలాన్ని పరిశీలించాలన్నారు.జమ్మికుంట రైల్వే బ్రిడ్జి పరిశీలించిన తరువాత పొత్కపల్లి రైల్వే బ్రిడ్జిని ఫైనల్ చేయాలని నిర్ణయించామన్నారు. పొత్కపల్లి నుండి రూపు నారాయణపేట డబల్ రోడ్డు నిర్మాణ పనులను పరిశీలించామన్నారు. ఈ కార్యక్రమంలో ఓదెల మండల తహశీల్దార్ వనజా నాయక్,మండల కాంగ్రెస్ పార్టీ అధ్యక్షులు మూల ప్రేమ్ సాగర్ రెడ్డి, పిఎసిఎస్ చైర్మన్ ఆళ్ళ సుమన్ రెడ్డి,స్థానిక సర్పంచ్ అంబాల సారమ్మ కొమురయ్య,ఉపసర్పంచ్ రెడ్డి రజనీకాంత్,పాలకవర్గం,పలు గ్రామాల సర్పంచ్ లు,ఉపసర్పంచ్ లు,సింగిల్ విండో డైరెక్టర్లు, ప్రజాప్రతినిధులు,కాంగ్రెస్ నాయకులు, కార్యకర్తలు,గ్రామాల ప్రజలు తదితరులు పాల్గొన్నారు.