గాంధీ జయంతి సందర్భంగా మహాత్ముడికి ఘన నివాళులు

హైదరాబాద్: గాంధీ జయంతి సందర్భంగా అసిఫ్‌నగర్‌లో జాతిపిత మహాత్మా గాంధీకి ముస్లిం దూదేకుల బ్యాక్‌వర్డ్ క్లాసెస్ వెల్ఫేర్ అసోసియేషన్ JAC వైస్ చైర్మన్ మహమ్మద్ రాజమ్మద్ ఘన నివాళులు అర్పించారు. ఈ సందర్భంగా గాంధీజీ చిత్రపటానికి పూలమాల వేసి ఆయన సేవలను స్మరించుకున్నారుమహాత్మా గాంధీ దేశ స్వాతంత్ర్యం కోసం అహింస, సత్యాగ్రహం మార్గంలో పోరాడి ప్రజల్లో ఐక్యతా భావాన్ని పెంపొందించారని మహమ్మద్ రాజమ్మద్ అన్నారు. సత్యం, అహింస, శాంతి, సామాజిక సమానత్వం, సోదరభావం వంటి గాంధీజీ ఆశయాలు నేటికీ సమాజానికి మార్గదర్శకంగా నిలుస్తున్నాయని పేర్కొన్నారు.కుల, మత, ప్రాంత భేదాలకు అతీతంగా ప్రతి ఒక్కరూ పరస్పరం గౌరవించుకుంటూ ఐకమత్యంతో ముందుకు సాగాలని ఆయన పిలుపునిచ్చారు. సమాజంలోని వెనుకబడిన వర్గాలు, పేదలు, అణగారిన ప్రజలకు సామాజిక న్యాయం, సమాన అవకాశాలు అందేలా కృషి చేయడమే గాంధీజీకి నిజమైన నివాళి అని అన్నారు.ముఖ్యంగా ముస్లిం దూదేకుల వంటి వెనుకబడిన వర్గాల అభివృద్ధికి విద్య, ఉపాధి, ఆర్థిక అవకాశాలను మరింత విస్తరించాల్సిన అవసరం ఉందని రాజమ్మద్ పేర్కొన్నారు. యువత విద్యపై దృష్టి సారించి, గాంధీజీ చూపిన సత్యం, క్రమశిక్షణ, సేవా భావాన్ని ఆదర్శంగా తీసుకోవాలని సూచించారు.గాంధీజీ కలలుగన్న సమానత్వం, సామాజిక న్యాయం, శాంతి, సోదరభావంతో కూడిన సమాజ నిర్మాణానికి ప్రతి ఒక్కరూ తమ వంతు కృషి చేయాలని మహమ్మద్ రాజమ్మద్ కోరారు. గాంధీ జయంతి సందర్భంగా ఆయన ఆశయాలను ఆచరణలో పెట్టడమే మహాత్ముడికి అందించే ఘనమైన నివాళి అని తెలిపారు.