సిద్దిపేట జిల్లా/గజ్వేల్ : సిద్దిపేట జిల్లా గజ్వేల్ మండలం జాలిగామ గ్రామంలో శుక్రవారం రోజు గాంధీ జయంతి వేడుకలను ఘనంగా నిర్వహించారు. ఈ సందర్భంగా గ్రామ పంచాయతీ కార్యాలయం వద్ద సర్పంచ్ తాళ్ల సునీత ఆంజనేయులు గౌడ్ ఆధ్వర్యంలో గ్రామ పంచాయతీ కార్మికులకు నూతన వస్త్రాలను పంపిణీ చేశారు. ఈ సందర్భంగా సర్పంచ్ తాళ్ల సునీత ఆంజనేయులు గౌడ్ మాట్లాడుతూ సమాజ సేవకు, పరిశుభ్రతకు గాంధీజీ చూపిన మార్గం అనుసరణీయమని పేర్కొన్నారు. గ్రామాన్ని పరిశుభ్రంగా ఉంచుతూ నిరంతరం శ్రమిస్తున్న పంచాయతీ కార్మికుల సేవలు అభినందనీయమని కొనియాడారు. వారి సేవలను గుర్తించి, ప్రోత్సహించాలనే ఉద్దేశంతోనే నూతన వస్త్రాలు అందజేసినట్లు తెలిపారు. అనంతరం గ్రామంలో "వికసిత్ గ్రామ పంచాయతీ ప్లాన్" పై ప్రత్యేక గ్రామసభను నిర్వహించారు. ఈ సందర్భంగా గ్రామ సర్వతోముఖాభివృద్ధికి సంబంధించిన పలు కీలక అంశాలు, భవిష్యత్ అభివృద్ధి ప్రణాళికలపై సభలో విస్తృతంగా చర్చించారు. ఈ కార్యక్రమంలో గ్రామ పంచాయతీ పాలకవర్గ సభ్యులు, గ్రామ పంచాయతీ కార్యదర్శి, గ్రామాభివృద్ధి కమిటీ నాయకులు, పంచాయతీ సిబ్బంది, అంగన్వాడి టీచర్లు, గ్రామ ప్రజలు పాల్గొన్నారు.
About The Author
.jpeg)
