విద్యుత్ ఏఈ గారు... మీరెక్కడ

చిలిపిచేడ్ : చిలిపిచేడ్ మండల పరిధిలోని రాందాస్ గూడ గ్రామంలోని కొత్తకాలని నాల్గవ వార్డ్ లో పురాతనమైన కరెంట్ స్తంభం రోజురోజుకూ క్షిణిస్తూ స్తంభంలోని రాడ్డ్ తేలడంతో గత ఐదు నెలల క్రితం గ్రామ సభలో మాట్లాడి గ్రామ పంచాయతీ లెటర్ పాడ్ పై రాసి ఆ స్తంభాన్ని తొలగించి కొత్త స్తంభం ఏర్పాటు చేయాలని మండల విద్యుత్ ఏఈ రాకేష్ కి గ్రామ సర్పంచ్ గౌరీ శ్రీధర్ రెడ్డి ఉప సర్పంచ్ మధుసూదన్ వార్డు మెంబర్లు గ్రామస్తులు అంతా కలిసి పంచాయతీ కార్యాలయంలో వినతి పత్రం అందజేయగా దానికి విద్యుత్ ఏఈ రాకేష్ త్వరలో నూతన స్తంభాన్ని ఏర్పాటు చేస్తామని చెప్పడం జరిగింది. కానీ వినతి పత్రం అందజేసి ఐదు నెలలు గడిచిన విద్యుత్ ఏఈ కనీసం ఐదు నెలలుగా గ్రామంలోకి రాలేదు పనిని ప్రారంభించలేదని, స్తంభం మరింత క్షీణించడంతో ఎప్పుడు ఏ ప్రమాదం జరుగుతుందో అని భయం భయంగా ఉండాల్సి వస్తుందని గ్రామస్తులు ఆవేదన వ్యక్తం చేస్తున్నారు. ఈ విషయంపై రాందాస్ గూడ గ్రామ నాలుగో వార్డ్ మెంబర్ వినతిపత్రం ఇచ్చిన నెల రోజుల తర్వాత ఏఈ రాకేష్ ని కలిసి అడగగా స్తంభాలు లేవని చెప్పారని కానీ ప్రస్తుతం సబ్ స్టేషన్ లోకి స్తంభాలు వచ్చి కూడా నెలరోజులు అవుతుందని అయినా రాంబస్ కూడా గ్రామం విషయాన్ని ఏఈ మర్చిపోయారని ప్రమాదం సంబంధించిన తర్వాత స్పందించిన ఏమీ లాభం ఉండదని నాల్గవవార్డ్ మెంబర్ నూలి బాబురావు ఆవేదన వ్యక్తం చేశారు.

విద్యుత్ ఏఈ రాకేష్ వివరణ:
 ఇట్టి విషయంపై విద్యుత్ రాకేష్ ని మా ప్రతినిధి ఫోన్లో సంప్రదించగా వినతి పత్రం ఇచ్చిన మాట వాస్తవమే అప్పట్లో స్తంభాలు లేని కారణంగా పని కొంచెం డీలా జరిగింది. ప్రస్తుతం స్తంభాలు ఉన్నాయి కానీ రాందాస్ గూడ గ్రామంలో కాంట్రాక్టర్ కి ఈ పంట కోత కాలం ముగిసిన తర్వాత మూడు నుండి నాలుగు ట్రాన్స్ఫార్మర్లు వాటికి స్తంభాలు వేసే పని ఉన్న కారణంగా ఆ సమయంలోనే ఈ పనిని పూర్తి చేస్తామని ఈ ఒక్క స్తంభాన్ని చేయడానికి కాంట్రాక్టర్ కి లేబర్ కూడా అన్ని విధాల సహకరించడానికి వీలుపడడం లేదని పంటలు కోయగాని వీలైనంత తొందరగా నూతన స్తంభాన్ని వేయిస్తానని తెలిపారు.