నస్పూర్ (మంచిర్యాల): ప్రజా సంక్షేమ పథకాలను సమన్వయంతో, సమర్థవంతంగా అమలు చేయాలని మంచిర్యాల జిల్లా కలెక్టర్ కుమార్ దీపక్ అధికారులను ఆదేశించారు. నస్పూర్ కలెక్టరేట్లో మంగళవారం రెవెన్యూ, భూ సమస్యలు, సంక్షేమ పథకాలపై ఉన్నతాధికారులతో సమీక్ష నిర్వహించారు. ఈ సందర్భంగా కలెక్టర్ మాట్లాడుతూ.. ప్రజావాణి, రెవెన్యూ సదస్సుల ద్వారా వచ్చిన దరఖాస్తులను ప్రాధాన్యత క్రమంలో పరిష్కరించాలి. రీ-సర్వే ప్రక్రియను వేగవంతం చేయడంతో పాటు సాదాబైనామా, 22-ఎ, భూభారతి దరఖాస్తులను నిబంధనల ప్రకారం క్లియర్ చేయాలి. కళ్యాణలక్ష్మి, షాదీముబారక్ పథకాలను అర్హులకు సత్వరమే అందించాలి. అక్రమ ఇసుక రవాణాపై కఠిన పర్యవేక్షణ ఉండాలని, భూసేకరణ పరిహారం చెల్లింపులు త్వరితగతిన పూర్తి చేయాలని స్పష్టం చేశారు. ఈ సమీక్షలో అదనపు కలెక్టర్ వి.రాములు, సబ్ కలెక్టర్ మనోజ్, డీఆర్వో మోతీరామ్, ఆర్డీవో శ్రీనివాస్ రావు, తహసిల్దార్లు పాల్గొన్నారు.
.jpeg)
.jpeg)
.jpeg)
