అక్కన్నపేట : హుస్నాబాద్ నియోజకవర్గ మాజీ ఎమ్మెల్యే వొడితల సతీష్ కుమార్ జన్మదిన వేడుకలను అక్కన్నపేట మండలం రామవరం గ్రామంలో బీఆర్ఎస్ పార్టీ ఆధ్వర్యంలో ఘనంగా నిర్వహించారు. ఈ సందర్భంగా మాజీ ఎంపీటీసీ, అక్కన్నపేట మండల బీఆర్ఎస్ నాయకులు లింగాల శ్రీనివాస్ ఆధ్వర్యంలో కేక్ కట్ చేసి సతీష్ కుమార్కు జన్మదిన శుభాకాంక్షలు తెలిపారు. ఈ సందర్భంగా లింగాల శ్రీనివాస్ మాట్లాడుతూ హుస్నాబాద్ నియోజకవర్గ అభివృద్ధికి మాజీ ఎమ్మెల్యే వొడితల సతీష్ కుమార్ చేసిన సేవలు చిరస్మరణీయమన్నారు. ప్రజల సంక్షేమం, నియోజకవర్గ అభివృద్ధి కోసం ఆయన చేసిన కృషిని ఈ సందర్భంగా గుర్తు చేసుకున్నారు. సతీష్ కుమార్ ఆయురారోగ్యాలతో, సుఖసంతోషాలతో నిండు నూరేళ్లు జీవించాలని ఆకాంక్షించారు. కార్యక్రమంలో బీఆర్ఎస్ నాయకులు, కార్యకర్తలు, సతీష్ కుమార్ అభిమానులు పాల్గొని జన్మదిన శుభాకాంక్షలు తెలిపారు. ఈ సందర్భంగా జై తెలంగాణ, జై కేసీఆర్, జై కేటీఆర్, జై హరీష్ రావు, జై సతీష్ కుమార్ అంటూ నినాదాలు చేశారు.
.jpeg)
.jpeg)
