నిజామాబాద్ : నిజామాబాద్ నగరంలో గణేష్ ఉత్సవాలు ప్రశాంతమైన వాతావరణంలో , ఎలాంటి అవాంఛనీయ సంఘటనలకు తావులేకుండా నిర్వహించేందుకు పోలీస్ శాఖ పటిష్టమైన భద్రతా చర్యలు చేపడుతోంది. ఇందులో భాగంగా నిజామాబాద్ పోలీస్ కమిషనర్ పి. సాయి చైతన్య, ఐ.పి.యస్.నగరంలోని పలు గణేష్ మండపాలను సందర్శించి బందోబస్తు ఏర్పాట్లను క్షుణ్ణంగా తనిఖీ చేశారు. ఈ సందర్భంగా గణేష్ మండపాల వద్ద విధులు నిర్వహిస్తున్న పోలీస్ సిబ్బంది వివరాలు , బందోబస్తు పాయింట్లు , సిబ్బంది అప్రమత్తత తదితర అంశాలను పరిశీలించారు. అలాగే ప్రతి మండపం వద్ద నిర్వహిస్తున్న పాయింట్ బుక్లను క్షుణ్ణంగా తనిఖీ చేసి , సిబ్బంది విధుల్లో భాగంగా నమోదు చేస్తున్న వివరాలను పరిశీలించారు. మండపాల వద్ద భక్తులకు ఎలాంటి ఇబ్బందులు కలగకుండా తగిన భద్రతా చర్యలు చేపట్టాలని , ట్రాఫిక్కు అంతరాయం కలగకుండాచర్యలు తీసుకోవాలని సిబ్బందికి సూచించారు. రాత్రి వేళల్లో ప్రత్యేక నిఘా ఏర్పాటు చేసి , అనుమానాస్పద వ్యక్తులు, వస్తువులపై అప్రమత్తంగా ఉండాలని ఆదేశించారు. గణేష్ ఉత్సవాలు మరియు నిమజ్జన కార్యక్రమాలు శాంతియుతంగా , సురక్షితంగా జరిగేలా పోలీస్ అధికారులు , సిబ్బంది సమన్వయంతో విధులు నిర్వహించాలని కమిషనర్ సూచించారు. ప్రజలు,గణేష్ మండపాల నిర్వాహకులు పోలీస్ శాఖకు సహకరించి ఉత్సవాలను ప్రశాంత వాతావరణంలో నిర్వహించాలని ఆయన కోరారు. టౌన్ ఏసిపి శ్రీ ప్రకాష్ , టౌన్ 1 ఎస్హెచ్ఓ శ్రీ బి. రఘుపతి , ఎన్. ఐ. బి సీఐ శ్రీ అశోక్ మరియు సిబ్బంది గలరు.
About The Author
.jpeg)
.jpeg)
.jpeg)
