కొండమల్లేపల్లి,: అఖిల భారతీయ విద్యార్థి పరిషత్ (ఏబీవీపీ) కొండమల్లేపల్లి శాఖ ఆధ్వర్యంలో బుధవారం నూతన నగర కార్యవర్గం ఎన్నిక కార్యక్రమం నిర్వహించారు. ఈ కార్యక్రమంలో రాష్ట్ర సంయుక్త కార్యదర్శి, నల్లగొండ జిల్లా సంఘటన మంత్రి ఎడ్ల నరేష్ తేజ మాట్లాడుతూ, అఖిల భారతీయ విద్యార్థి పరిషత్ 1949 జూలై 9న ఢిల్లీలోని విశ్వవిద్యాలయంలో ఒక ప్రొఫెసర్ మరియు నలుగురు విద్యార్థులతో ప్రారంభమైందని తెలిపారు. నేడు దేశవ్యాప్తంగా విస్తరించి, లక్షలాది మంది విద్యార్థులను కలుపుకొని పనిచేస్తున్న అతిపెద్ద విద్యార్థి సంస్థగా ఏబీవీపీ ఎదిగిందన్నారు. విద్యార్థుల్లో దేశభక్తిని పెంపొందిస్తూ, విద్యార్థులు దేశం గురించి ఆలోచించే విధంగా వారిని తీర్చిదిద్దడమే ఏబీవీపీ ప్రధాన లక్ష్యమని అన్నారు. విద్యార్థి సమస్యల పరిష్కారంతో పాటు సామాజిక బాధ్యత, దేశభక్తి, నాయకత్వ లక్షణాలను విద్యార్థుల్లో పెంపొందించేందుకు ఏబీవీపీ నిరంతరం పనిచేస్తుందని తెలిపారు. ఈ సందర్భంగా కొండమల్లేపల్లి నూతన నగర కార్యవర్గాన్ని ప్రకటించి, నూతనంగా ఎన్నికైన కార్యవర్గ సభ్యులకు శుభాకాంక్షలు తెలిపారు. అనంతరం పలు కళాశాలల్లో ఏబీవీపీ సభ్యత్వ కార్యక్రమాన్ని నిర్వహించారు. నూతన నగర కార్యవర్గం నగర కార్యదర్శి: ఇస్లావత్ మహేష్ జాయింట్ సెక్రటరీలు: నూతనగంటి గణేష్, రామావత్ లక్ష్మణ్, రామావత్ అజయ్, ముష్టిపల్లి అజయ్, రోజా, కావేరి వైస్ ప్రెసిడెంట్లు: మౌనిక, మల్లీశ్వరి, శిరీష, కార్తీక్, మధు, అఖిల్ నగర గర్ల్స్ ఇన్చార్జ్: ఆర్. వాణి నగర స్టూడెంట్స్ ఫర్ సేవ (SFS): బి. శిరీష నగర క్రీడల కన్వీనర్: ఆర్. సిద్ధు ఈ కార్యక్రమంలో దమ్ము జమ్ముతీష్, చేపూరి కార్తీక్, ఐత రాజు కొండల్, రాహుల్, రాకేష్ తదితరులు పాల్గొన్నారు.
.jpeg)
