ఆదుకున్న ఇంట్లోనే దోపిడీ

కరీంనగర్, :కరీంనగర్‌లోని భగత్‌నగర్‌లో నివాసముంటున్న 80 సంవత్సరాల వయస్సు గల శ్రీ ఎం.డి. అజ్మత్ అలీ ఇంట్లో 21/22.07.2026 మధ్య రాత్రి జరిగిన సంచలనాత్మక ఇంటి దోపిడీ కేసును కరీంనగర్ పోలీసులు విజయవంతంగా ఛేదించారు. దర్యాప్తులో బాధితుడి అల్లుడు మొహమ్మద్ రాజావుద్దీన్ (A1), మనవడు మొహమ్మద్ అజీమ్ రజా (A2) ఈ నేరానికి ప్రధాన కుట్రదారులు/సూత్రధారులుగా ఉన్నట్లు వెల్లడైంది. వీరిరువురు మరో ముగ్గురి నిందితులను కలుపుకుని ఈ దోపిడీకి పాల్పడ్డారు. ఉత్తరప్రదేశ్ రాష్ట్రంలోని మీరట్‌కు చెందిన వారి ముగ్గురు సహచరులను మీరట్ పోలీసుల సహకారంతో కరీంనగర్ పోలీసులు అదుపులోకి తీసుకున్నారు. వారినుండి నిందితులు A3 సల్మాన్, A4 సల్మాన్, A5 హసీన్ వద్ద నుంచి రూ.2,09,000/- నగదు, 43.67 గ్రాముల బంగారు ఆభరణాలు, 64.98 గ్రాముల వెండి ఆభరణాలను పోలీసులు స్వాధీనం చేసుకున్నారు.

21/22.07.2026 మధ్య రాత్రి డమ్మీ పిస్టల్స్, కత్తులతో వచ్చిన నిందితుల ముఠా కరీంనగర్ భగత్‌నగర్‌లోని శ్రీ ఎం.డి. అజ్మత్ అలీ నివాసంలోకి బలవంతంగా ప్రవేశించింది. నిందితులు ఇంట్లో ఉన్న వారిని కత్తులు, డమ్మీ పిస్టల్స్‌తో బెదిరించి, వారి చేతులు, కాళ్లు కట్టి నిర్బంధించి, ఇంట్లోని నగదు, బంగారు, వెండి ఆభరణాలు, మొబైల్ ఫోన్లను దోచుకెళ్లారు. అక్కడి నుంచి పారిపోతున్న సమయంలో ఆ ఇంటి ప్రాంగణంలో నివాసముంటున్న అద్దెదారులకు చెందిన రెండు మోటార్ సైకిళ్లను కూడా తీసుకెళ్లారు. బాధితుడు ఇచ్చిన ఫిర్యాదు ఆధారంగా కేసు నమోదు చేసిన పోలీసులు వెంటనే సమగ్ర దర్యాప్తు చేపట్టారు. ప్రత్యేక పోలీసు బృందాల ఏర్పాటు చేసిన నేర తీవ్రత, సంచలనాత్మక స్వభావాన్ని పరిగణనలోకి తీసుకుని కరీంనగర్ పోలీస్ కమిషనర్‌తో పాటు అదనపు డీసీపీ, ఏసీపీలు మరియు ఇతర సీనియర్ పోలీసు అధికారులు సంఘటనా స్థలాన్ని సందర్శించి ప్రాథమిక దర్యాప్తును పర్యవేక్షించారు. సీసీటీవీ ఫుటేజీల పరిశీలన, సాంకేతిక మరియు డిజిటల్ ఆధారాల సేకరణ, విశ్లేషణ, నిందితులు పారిపోయిన మార్గాన్ని గుర్తించడం, అనుమానిత వ్యక్తులు మరియు వారి కదలికలను పరిశీలించడం, నిందితులను పట్టుకోవడం కోసం ప్రత్యేక దర్యాప్తు బృందాలను ఏర్పాటు చేశారు భాగంగా నిందితులు పారిపోయిన మార్గంలోని వివిధ ప్రాంతాల నుంచి సేకరించిన డిజిటల్, సాంకేతిక ఆధారాలను పోలీసులు క్షుణ్ణంగా విశ్లేషించారు. నిందితులు సంఘటనా స్థలం నుంచి తీసుకెళ్లిన రెండు మోటార్ సైకిళ్లపై కరీంనగర్ నుంచి హుజూరాబాద్ వైపు పారిపోయి, అనంతరం వాటిని పెద్ద పాపయ్యపల్లి గ్రామం సమీపంలో వదిలివెళ్లినట్లు పోలీసులు గుర్తించారుఉత్తరప్రదేశ్‌లోని మీరట్‌కు ప్రత్యేక పోలీసు బృందాలుదర్యాప్తులో లభించిన ఆధారాల మేరకు నిందితులను గుర్తించి పట్టుకునేందుకు కరీంనగర్ నుంచి నాలుగు ప్రత్యేక పోలీసు బృందాలు ఉత్తరప్రదేశ్‌లోని మీరట్‌కు వెళ్లాయి. మీరట్ పోలీసుల సహకారం, సమన్వయంతో వివిధ ప్రాంతాల్లో విస్తృతంగా గాలింపు చర్యలు చేపట్టారు. నిరంతర ప్రయత్నాల ఫలితంగా 29.07.2026న ముగ్గురు నిందితులను అరెస్ట్ చేశారుదర్యాప్తులో బాధితుడు ఎం.డి. అజ్మత్ అలీ అల్లుడు A1 మొహమ్మద్ రజావుద్దీన్, బాధితుడి మనవడు A2 మొహమ్మద్ అజీమ్ రజా ఈ నేరానికి ప్రధాన సూత్రధారులుగా ఉన్నట్లు వెల్లడైంది. A1 రజావుద్దీన్ బాధితుడు ఎం.డి. అజ్మత్ అలీ అల్లుడు. ఇతను ఉత్తరప్రదేశ్‌లోని మీరట్‌కు చెందినవాడు. A1 రజావుద్దీన్‌కు, అతని భార్యకు మధ్య కొంతకాలంగా వైవాహిక వివాదాలు ఉన్నాయి. రజావుద్దీన్ వివాహేతర సంబంధాలు కొనసాగిస్తున్నాడని, చెడు అలవాట్లకు బానిసై తనను వేధిస్తున్నాడని ఆరోపిస్తూ అతని భార్య గత సంవత్సరం తన పుట్టింటికి వచ్చేసింది. అనంతరం రజావుద్దీన్ కూడా కరీంనగర్‌కు వచ్చి తన భార్యను తిరిగి తనతో తీసుకెళ్లేందుకు ప్రయత్నించినప్పటికీ ఆమె అంగీకరించలేదు. ఆ తర్వాత అతను ఆత్మహత్యాయత్నం చేశాడు. బాధితుడి కుటుంబ సభ్యులు అతనికి వైద్య చికిత్స చేయించడంతో పాటు తమ ఇంట్లో ఆశ్రయం కల్పించారు. అంతేకాకుండా అతను గార్మెంట్ వ్యాపారం ప్రారంభించేందుకు ఆర్థిక సహాయం కూడా అందించారు. బాధితుడి ఇంట్లో నివసించిన సమయంలో రజావుద్దీన్‌కు ఆ ఇంటి గురించి, కుటుంబ సభ్యుల గురించి, నగదు మరియు విలువైన వస్తువులను ఎక్కడ భద్రపరుస్తారనే విషయాలపై పూర్తి అవగాహన ఏర్పడింది. బాధితుడి కుటుంబం A1కు గార్మెంట్ వ్యాపారం ప్రారంభించేందుకు ఆర్థిక సహాయం అందించినప్పటికీ, అనంతరం అతను వ్యాపారంలో నష్టపోయాడు. దీంతో తన భార్య, మామ వద్ద పదేపదే డబ్బులు కోరడం ప్రారంభించాడు. ఇటీవల రూ.5 లక్షలు ఇవ్వాలని డిమాండ్ చేయగా వారు నిరాకరించడంతో, బాధితుడి ఇంట్లో దోపిడీ చేయాలని పథకం రూపొందించాడు. బాధితుడి ఇంటి గురించి, అక్కడ నగదు, విలువైన వస్తువులు ఉండే ప్రదేశాల గురించి తనకు ఉన్న పూర్తి అవగాహనను ఉపయోగించుకుని A1 రాజావుద్దీన్ తన కుమారుడు A2 అజీమ్ రజా, మీరట్‌కు చెందిన ఇతర సహచరులతో కలిసి దోపిడీకి కుట్ర పన్నాడు. పథకంలో భాగంగా నిందితులు 20.07.2026న మీరట్ నుంచి రామగుండం వైపు రైలులో ప్రయాణించారు. అనంతరం 21/22.07.2026 మధ్య రాత్రి డమ్మీ పిస్టల్స్, కత్తులతో బాధితుడి ఇంట్లోకి ప్రవేశించి, కుటుంబ సభ్యులను బెదిరించి, నిర్బంధించి దోపిడీకి పాల్పడ్డారుదర్యాప్తులో A1 రజావుద్దీన్, A2 అజీమ్ రజాలకు మీరట్‌లో నేర చరిత్ర ఉన్నట్లు వెల్లడైంది. వీరిపై హత్య, అక్రమంగా ఆయుధాలు కలిగి ఉండటం, దొంగతనం తదితర కేసుల్లో ప్రమేయం ఉన్నట్లు ఆరోపణలు ఉండగా, ఆయా కేసులు సంబంధిత న్యాయస్థానాల్లో పెండింగ్‌లో ఉన్నాయిప్రస్తుత దోపిడీ కేసులో తమ ముగ్గురు సహచరులను కరీంనగర్ పోలీసులు పట్టుకున్న విషయం తెలుసుకున్న A1, A2 కరీంనగర్ పోలీసులకు చిక్కకుండా తప్పించుకునేందుకు ప్రయత్నించారు. ఇందులో భాగంగా తమ పాత కేసుల్లో మీరట్‌లోని సంబంధిత న్యాయస్థానం ముందు లొంగిపోయారు. అనంతరం వారిని జ్యుడీషియల్ రిమాండ్‌కు తరలించగా, ప్రస్తుతం ఉత్తరప్రదేశ్‌లోని మీరట్ జైలులో ఉన్నారు. అరెస్టయిన నిందితులు మీరట్‌లో క్రింది ముగ్గురు నిందితులను అదుపులోకి తీసుకున్నారు: A3. సల్మాన్ భూరే  యాదవ్, వయస్సు 22 సంవత్సరాలు, వృత్తి: పండ్ల వ్యాపారి, మీరట్, ఉత్తరప్రదేశ్. A4. సల్మాన్  విమాన్, వయస్సు 22 సంవత్సరాలు, వృత్తి: కూలీ, మీరట్, ఉత్తరప్రదేశ్. A5. మొహమ్మద్ హసీన్, వయస్సు 19 సంవత్సరాలు, మీరట్, ఉత్తరప్రదేశ్.A3 నుంచి A5 వరకు నిందితులను మీరట్‌లోని సంబంధిత న్యాయస్థానం ముందు హాజరుపరిచి, ప్రిజనర్ ట్రాన్సిట్ వారెంట్లు పొందిన అనంతరం కరీంనగర్‌కు తీసుకువచ్చారు. వారిని కరీంనగర్‌లోని సంబంధిత గౌరవ న్యాయస్థానం ముందు హాజరుపరుస్తున్నారు.స్వాధీనం చేసుకున్న సొత్తుదర్యాప్తులో A3 నుంచి A5 నిందితుల వద్ద నుంచి క్రింది సొత్తును స్వాధీనం చేసుకున్నారు:,  నగదు: రూ.2,09,000/-, బంగారు ఆభరణాలు: 43.67 గ్రాములు, • వెండి ఆభరణాలు: 64.98 గ్రాములు, మిగిలిన దోపిడీ సొత్తును స్వాధీనం చేసుకునేందుకు తదుపరి చర్యలు కొనసాగుతున్నాయి. A1, A2లను కస్టడీలోకి తీసుకునేందుకు చర్యలు, A1. మొహమ్మద్ రాజావుద్దీన్, A2. మొహమ్మద్ అజీమ్ రజా, A1, A2లను ప్రిజనర్ ట్రాన్సిట్ వారెంట్లపై కరీంనగర్‌కు తీసుకువచ్చేందుకు, అలాగే దర్యాప్తులో అవసరమైన తదుపరి చట్టపరమైన చర్యలు చేపట్టేందుకు సంబంధిత న్యాయస్థానాల్లో అవసరమైన పిటిషన్లు దాఖలు చేస్తున్నారు. మీరట్‌లో ఉన్న ప్రత్యేక పోలీసు బృందాలు స్థానిక పోలీసులు, సంబంధిత అధికారులతో సమన్వయం చేసుకుంటూ, సంబంధిత న్యాయస్థానం నుంచి అవసరమైన ఉత్తర్వులు పొందిన అనంతరం A1, A2లను కరీంనగర్‌కు తీసుకువచ్చేందుకు చర్యలు చేపడుతున్నారు.ఈ సంచలనాత్మక దోపిడీ కేసును స్వల్ప వ్యవధిలో విజయవంతంగా ఛేదించేందుకు నిరంతరం శ్రమించి, సీసీటీవీ ఫుటేజీలు, సాంకేతిక ఆధారాలను విశ్లేషించి, నిందితులను ఉత్తరప్రదేశ్‌లో గుర్తించిన దర్యాప్తు అధికారులు మరియు ప్రత్యేక పోలీసు బృందాల అంకితభావం, సమన్వయంతో కూడిన కృషిని కరీంనగర్ పోలీస్ కమిషనర్ అభినందించారు.నిందితులను గుర్తించి పట్టుకోవడంలో సహకరించిన ఉత్తరప్రదేశ్‌లోని మీరట్ పోలీసులను కూడా పోలీస్ కమిషనర్ ప్రత్యేకంగా అభినందించారు. ప్రజలు అప్రమత్తంగా ఉండాలని, తమ ప్రాంతాల్లో ఎవరైనా అనుమానాస్పద వ్యక్తులు లేదా అనుమానాస్పద కార్యకలాపాలు కనిపిస్తే వెంటనే సమీప పోలీస్ స్టేషన్‌కు సమాచారం అందించాలని లేదా డయల్ 100/112ను సంప్రదించాలని  అని అన్నారు