గాయత్రి కో-ఆపరేటివ్ అర్బన్ బ్యాంక్ ఖాతాదారుని కుటుంబానికి రూ. లక్ష ప్రమాద బీమా పరిహారం

హన్మకొండ న్యూస్ : హనుమకొండలోని గాయత్రి కో-ఆపరేటివ్ అర్బన్ బ్యాంక్ ఖాతాదారుడు మేరుగు రవికుమార్ ఇటీవల రోడ్డు ప్రమాదంలో మృతి చెందగా, ఆయన కుటుంబానికి బ్యాంక్ తరఫున ఉన్న ప్రమాద బీమా పథకం కింద మంజూరైన రూ.1,00,000 (ఒక లక్ష రూపాయలు) పరిహారాన్ని శుక్రవారం అందజేశారు.బాధితుని నామినీ, భార్య మేరుగు మనీష గారికి డీఆర్డీఏ మేన శ్రీను చేతుల మీదుగా చెక్కును అందజేయడం జరిగింది.ఈ సందర్భంగా మేన శ్రీను మాట్లాడుతూ, ఖాతాదారులకు బ్యాంక్ అందిస్తున్న ఇలాంటి బీమా పథకాలు ఆపద సమయంలో బాధిత కుటుంబాలకు కొండంత అండగా నిలుస్తాయని అన్నారు. మృతుని కుటుంబానికి ప్రగాఢ సానుభూతి తెలియజేస్తూ, గాయత్రి బ్యాంక్ అందిస్తున్న సేవలను, సామాజిక బాధ్యతను అభినందించారు.ఈ కార్యక్రమంలో బ్రాంచ్ మేనేజర్ మ్యాదరి సందీప్ కుమార్, బ్యాంక్ సిబ్బంది పాల్గొన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.