నాగర్ కర్నూల్ పోలీస్ కార్యాలయంలో ఘనంగా బతుకమ్మ సంబరాలు

- ముఖ్య అతిథిగా హాజరైన ఎస్పీ డా. సంగ్రామ్ సింగ్ పాటిల్ బతుకమ్మ వేడుకలకు కుటుంబ సమేతంగా హాజరైన జిల్లా ఎస్పీ డాక్టర్ సంగ్రామ్ సింగ్ పాటిల్

నాగర్ కర్నూల్: నాగర్ కర్నూల్ జిల్లా పోలీస్ కార్యాలయంలో బతుకమ్మ సంబరాలు ఘనంగా జరిగాయి. ఈ వేడుకలకు జిల్లా ఎస్పీ డాక్టర్ సంగ్రామ్ సింగ్ జీ పాటిల్, ఐపీఎస్ ముఖ్య అతిథిగా హాజరై కుటుంబ సమేతంగా పాల్గొన్నారు. మహిళా పోలీస్ సిబ్బంది రంగురంగుల పూలతో బతుకమ్మలను అందంగా అలంకరించారు. సంప్రదాయ బతుకమ్మ పాటలు, కోలాటాలతో వేడుకలు ఉత్సాహంగా సాగాయి. బతుకమ్మ చుట్టూ చేరి మహిళా పోలీస్ సిబ్బంది, అధికారులు ఆటపాటలతో సందడి చేశారు. ఈ సందర్భంగా ఎస్పీ మాట్లాడుతూ తెలంగాణ సంస్కృతి, సంప్రదాయాలకు బతుకమ్మ పండుగ ప్రతీక అని, ప్రకృతితో మమేకమైన జీవన విధానానికి నిదర్శనమని అన్నారు. రాష్ట్ర సంస్కృతి, సంప్రదాయాలను భావితరాలకు అందించాల్సిన బాధ్యత మనందరిపై ఉందని పిలుపునిచ్చారు. ఇటువంటి వేడుకలతో పోలీస్ సిబ్బందిలో ఐక్యత, స్నేహభావం పెంపొందుతాయని తెలిపారు. ఈ కార్యక్రమంలో అదనపు ఎస్పీ ఎన్. వెంకటేశ్వర్లు, డీఎస్పీలు పల్లె శ్రీనివాస్, బుర్రి శ్రీనివాస్, ఆర్‌ఐ జగన్, జిల్లాలోని సీఐలు, ఎస్‌ఐలు, ఇతర పోలీస్ అధికారులు, సిబ్బంది పాల్గొన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.