జూలపల్లిలో ఘనంగా 'చదువుకో తెలంగాణ' పోస్టర్ ఆవిష్కరణ.. మండల టాపర్‌కు చెక్కు పంపిణీ

జూలపల్లి : పెద్దపల్లి జిల్లా జూలపల్లి మండల కేంద్రంలోని ప్రభుత్వ బాలికల ఉన్నత పాఠశాలలో ‘చదువుకో తెలంగాణ’ పోస్టర్ ఆవిష్కరణ కార్యక్రమం మరియు ప్రతిభావంతులైన విద్యార్థులకు చెక్కుల పంపిణీ కార్యక్రమం అత్యంత ఘనంగా నిర్వహించారు. ఈ కార్యక్రమానికి మండల విద్యాశాఖ అధికారి (ఎంఈవో) శ్రీరాముల లక్ష్మణ్ ముఖ్య అతిథిగా హాజరయ్యారు. మండల స్థాయిలో అత్యుత్తమ ప్రతిభ కనబరిచి టాపర్‌గా నిలిచిన ప్రభుత్వ బాలికల ఉన్నత పాఠశాల విద్యార్థిని సాయి హర్షితను ఈ సందర్భంగా ఘనంగా సత్కరించారు. విద్యార్థిని తల్లిదండ్రుల ప్రోత్సాహార్థం రూ. 10,000 విలువైన చెక్కును ఎంఈవో శ్రీరాముల లక్ష్మణ్ మరియు ఉపసర్పంచ్ కొప్పుల మహేష్ చేతుల మీదుగా అందజేశారు. ఈ కార్యక్రమంలో శ్రీరామ్ గ్రూప్ - తెలంగాణ తరఫున పెద్దపల్లి డివిజన్ ఆర్ఎం వెంకటరజం, గోదావరిఖని బ్రాంచ్ మేనేజర్ మల్లెతుల శ్రీనివాస్, ఎంప్లాయిస్ డీవో జంగం సతీష్, సేల్స్ ఆఫీసర్లు, పాఠశాల ప్రధానోపాధ్యాయులు, ఉపాధ్యాయులు, విద్యార్థులు మరియు పలువురు ప్రముఖులు పాల్గొన్నారు. “చదువుకో తెలంగాణ – విద్యతోనే అభివృద్ధి, ప్రతిభకు ప్రోత్సాహమే మా లక్ష్యం!” అనే నినాదంతో ముందుకు సాగుతున్న శ్రీరామ్ గ్రూప్ - తెలంగాణ వారికి పాఠశాల ఉపాధ్యాయులు, విద్యార్థుల తల్లిదండ్రులు ప్రత్యేక కృతజ్ఞతలు తెలిపారు.