కోయిలకొండలో వివాహిత అదృశ్యం.. కేసు నమోదు

‎కోయిలకొండ మండలంలోని కేశవపూర్ గ్రామానికి చెందిన గంగెడ్ల నర్సమ్మ (18) అనే వివాహిత అదృశ్యమైనట్లు కోయిలకొండ పోలీస్ స్టేషన్‌లో కేసు నమోదైంది. ‎​పోలీసులు తెలిపిన వివరాల ప్రకారం.. కేశవపూర్ గ్రామానికి చెందిన గంగెడ్ల నరేష్ భార్య నర్సమ్మ ఈ నెల 11వ తేదీ (నవంబర్ 11, 2026) మధ్యాహ్నం సుమారు 1:30 గంటల సమయంలో పని నిమిత్తం కోయిలకొండకు వెళ్లొస్తానని భర్తకు చెప్పింది. దీంతో భర్త నరేష్ తన మోటార్ సైకిల్‌పై ఆమెను కేశవపూర్ గేట్ వద్ద దించి వెళ్లిపోయాడు. అనంతరం కోయిలకొండకు వెళ్లిన నర్సమ్మ తిరిగి ఇంటికి చేరుకోలేదు.​వివిధ ప్రాంతాల్లో వెతికినప్పటికీ ఆమె ఆచూకీ లభించకపోవడంతో, భర్త నరేష్ మరియు నర్సమ్మ తల్లి వెంకటమ్మ ఈ నెల 12వ తేదీ సాయంత్రం పోలీసులకు ఫిర్యాదు చేశారు. తల్లి వెంకటమ్మ ఇచ్చిన ఫిర్యాదు మేరకు ఏఎస్ఐ ముస్తాక్ అలీ 'ఉమెన్ మిస్సింగ్' కింద కేసు నమోదు చేసి, అన్ని కోణాలలో దర్యాప్తు ముమ్మరం చేసినట్లు తెలిపారు.