ఘనంగా నాగుల చవితి వేడుకలు

రాయపర్తి, : హిందూ సంప్రదాయంలో అత్యంత విశిష్టమైన పర్వదినాల్లో ఒకటైన నాగుల చవితి వేడుకలు శుక్రవారం ఘనంగా భక్తిశ్రద్దలతో జరిగాయి.మండల కేంద్రంతో పాటు ఆయా గ్రామాలలో ఉదయం నుంచే స్థానిక మహిళలు,యువతులు ప్రత్యేక పూజా కార్యక్రమాలలో ఉత్సాహంగా పాల్గొన్నారు.పుట్టల వద్దకు చేరుకున్న మహిళలు పసుపు కుంకుమలతో పుట్టను అలంకరించి, భక్తితో నాగదేవతకు పాలు,గుడ్లు,అరటిపండ్లు, తాంబూలం నైవేద్యంగా సమర్పించారు.కుటుంబ సభ్యుల ఆయురారోగ్యాలు, సుఖసంతోషాలు,సర్వవిధ శ్రేయస్సును కాపాడాలని కోరుతూ నాగదేవతకు ముక్కులు చెల్లించుకున్నారు.ఈ సందర్భంగా మహిళల సాంప్రదాయ వస్త్రధారణ పండగ వాతావరణాన్ని తీసుకొచ్చింది.పుట్టల వద్ద భక్తుల రద్దీతో సందడి నెలకొంది.నాగారాధన మన సంస్కృతిలో భాగమని,ప్రకృతిని,జీవరాశిని దైవంగా భావించి పూజించడం మన పూర్వీకుల నుంచి వస్తున్న సాంప్రదాయమని మహిళలు అన్నారు.పూజ అనంతరం తమ మంగళ సూత్రాలకు బొట్టు పెట్టుకుని సాంప్రదాయబద్ధంగా  పండుగ ఆచారాలను పూర్తి చేశారు.