వెండి కోల్ గ్రామంలో హెచ్ఎండీఏ రోడ్డు నిర్మాణ పనులకు భూమిపూజ
రూ.6 కోట్ల నిధులతో రోడ్డు అభివృద్ధి పనులకు శ్రీకారం.. కాంగ్రెస్ మండల అధ్యక్షుడు బోడపట్ల గణేష్ ముదిరాజ్
చౌటకూర్, : సంగారెడ్డి జిల్లా చౌటకూర్ మండల పరిధిలోని వెండి కోల్ గ్రామంలో రోడ్డు అభివృద్ధి పనులకు భూమిపూజ కార్యక్రమం నిర్వహించారు. సుమారు రూ.6 కోట్ల నిధులతో చేపట్టనున్న హెచ్ఎండీఏ రోడ్డు నిర్మాణ పనులకు ప్రజాప్రతినిధులు, కాంగ్రెస్ పార్టీ నాయకులు, గ్రామ పెద్దల సమక్షంలో భూమిపూజ చేసి పనులకు శ్రీకారం చుట్టారు. ఈ కార్యక్రమంతో గ్రామంలో రహదారి అభివృద్ధికి మరో ముందడుగు పడిందని స్థానికులు హర్షం వ్యక్తం చేశారు.ఈ సందర్భంగా చౌటకూర్ మండల కాంగ్రెస్ పార్టీ అధ్యక్షుడు బోడపట్ల గణేష్ ముదిరాజ్ మాట్లాడుతూ.. గ్రామీణ ప్రాంతాల అభివృద్ధికి రహదారులు ఎంతో కీలకమని పేర్కొన్నారు. ప్రజలకు మెరుగైన రవాణా సౌకర్యాలు కల్పించడంతో పాటు గ్రామాల అభివృద్ధికి ప్రభుత్వం ప్రాధాన్యతనిస్తోందని తెలిపారు. రూ.6 కోట్ల నిధులతో చేపట్టనున్న ఈ రోడ్డు నిర్మాణ పనులు పూర్తయితే ప్రజలకు రాకపోకల్లో ఎంతో సౌకర్యం కలుగుతుందని అన్నారు. రోడ్డు నిర్మాణ పనులను నాణ్యతా ప్రమాణాలతో త్వరితగతిన పూర్తి చేసేలా సంబంధిత అధికారులు చర్యలు తీసుకోవాలని సూచించారు.గ్రామీణ ప్రాంతాల్లో మౌలిక సదుపాయాల కల్పనతో ప్రజల జీవన ప్రమాణాలు మెరుగుపడతాయని, అభివృద్ధి పనుల ద్వారా ప్రజలకు మెరుగైన సౌకర్యాలు అందుబాటులోకి వస్తాయని నాయకులు ఈ సందర్భంగా పేర్కొన్నారు. గ్రామాల అభివృద్ధికి ప్రజాప్రతినిధులు, అధికారులు సమన్వయంతో కృషి చేయాలని అభిప్రాయపడ్డారు.ఈ భూమిపూజ కార్యక్రమంలో ఎంపీడీవో శంకర్, రామ్మోహన్, మాజీ ఎంపీపీ సుభాష్ రెడ్డి, వెండి కోల్ సర్పంచ్ మల్లారెడ్డి, శివంపేట సర్పంచ్ సంధ్యారాణి మల్లికార్జున్, లింగంపల్లి సర్పంచ్ రాజు, ఉప్పరిగూడెం సర్పంచ్ మల్లేశం, సంగారెడ్డి జిల్లా సర్పంచుల సంఘం అధ్యక్షుడు నందికంటి రామచంద్రారెడ్డి, పోసానిపల్లి సర్పంచ్ రేఖ బాలరాజ్, కాంగ్రెస్ పార్టీ మండల ఉపాధ్యక్షుడు మహిపాల్ రెడ్డి, మండల బీసీ సెల్ అధ్యక్షుడు అంజనేయులు, తవద్దానపల్లి ఉపసర్పంచ్ మౌలానా, సుల్తాన్పూర్ మాజీ ఉపసర్పంచ్ శ్రీనివాస్ రెడ్డి, మాజీ సర్పంచ్ మల్లేశం, ప్రేమసాగర్, పత్తి రాములు, వినయ్ తదితరులు పాల్గొన్నారు
About The Author
నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.


